ماهي ذكرياتك ايام الدراسة

[التحدي]

هلا شبيبة

بصراحة تذكرت شي يوم كنت في سادس ابتدائي اول شي كنت مشاغب وثاني شي كثير الغياب يعني اذا غبت ارتاحوا المدرسين مني والشي الثاني كنا اروح يومين في الاسبوع واذا زادت ايام الدوام صارت ثلاثة يعني مقسم الاسبوع حضور السبت والاثنين والاربعاء 0
السبت على شان اول حصتين فنية طبعا اجي خرمان نوم وعلينا مدرس سوداني وكان طيب حده يعني استغل الطيبة وافرش الكتب تحت الطاوله وانا الحصتين 0
الاثنين رياضة وتعرفوا رياضي لاني انااللي دربت مردونا0
والابعاء اخر الاسبوع وناسه الدراسة يعني الشباب كلهم حاضرين.

على شان جدي صرنا فالحين من الاوائل مع مرتبة الشرف هههههههههههههههههههههه

والمتوسط نفش السي بس كان في التزام اشوي وفي الثانوي كان الالتزام اكثر على شان يمكن الواحد صار يفكر انزين جاء المعهد الواحد يبغي يتوظف لازم يجيب معدل صار المدربين يبغونا ننام وخاصه ان كنا نتدرب في مكان ظلمة تقولوا خفافيش يعني 9 شعور كله في معمل ابيض واسود ويومين في الاسبوع يوم نظري ويوم عملي تخلص شغلك يجي دور صاحبك ودورك في النوم 0 طولت عليكم الهدره هههههههههههههههههههههههههههههه


انزين ويش هي المواقف اللي صادفتكم ايام الدراسه من ابتدائي الى الحين ؟;)

[aocci]

هلا التحدي...............أنا كنت أرد على الموضوع وكتبت الرد 3 مرات وكل ساعة تضيع علي الصفحة....................وتعبت مالي خلق أعيد...........
وبرجع ارد بس بوقت ثاني....................
أوكيك...........

تحياتــــــــــــــــــــــــــي

[البندري]

أشيااااااااااء كثيرة مرة علينا بالمراحل كلها لاتنسى أبد

بس إلي أذكرة وأضحك للحين ..دايم أسوي حركات للبنات ويضحكون ولين دارت المدرسه أعرف اتكم الضحكه لكن هم فضيحه عاد

وتعصب المعلمه وتقول براااااااااااااااااااا هههههههههههههه وتطردهم وانا ولا كأن سويت لاحد شي
تخلص الحصه من هنا يقوم الضرب فيني من جهه ثانيه

تحياتي لك اخوي:)

أختك البندري

[التحدي]

هلا ومرحبا الف (مجنونة كووورة) تحياتي لك على مرورك تضيع الصفحة وين تروح ياعلي اللي ماخذ عقلك يتهنى به 0تحياتي

[التحدي]

(البندري) هلا وغلا باللي لفانا وشكرا علىالمشاركة كثير منا ايام الدراسة يسوي مقالب في اصدقاء واذا تذكرها يموت من الضحك واوقات المقالب تصير فيه او بعض المقالبك تنقلب علية بس ايام حلوه تمر عليه0 يحياتي

[da Vinci]

مواقف يالتحدي وايد وكلها تفطس من الضحك واحد منها :

يقولك مرة على ايام متوسط كنا شياطين وايد المهم كان عندنا مدرس سوداني طيب وايد لدرجة انه زي الاهبل . المهم اول ماجى كان على نياتة ما يعرف شي بس كان يعطي الدرس للي قدام واللي ورى قالبين الكراسي على الجهة المعاكسة للسبورة (طبعاً انا مو وياهم) بس كنت رابع او ثالث كرسي من ورى في نص الفصل المهم كان اللي قدامي ولد خالي وكان دايم يضحك هو طبعة كدا .. مرة من المرات كان المدرس يشرح ومنهمك في الشرح مع ان ماينفهم وشقاعد يقول لأن صوتة محرحش ولا ينفهم شي منه وفوق كدا هو مايعرف يشرح اصلاً لأنه يعيد الشي لنفسة ويغلط ويعيد الخ الخ .... داك اليوم واحد من الشباب الله يستر عليه ( مو انا ) كان يجيب الطباشير من غرفة المرشد كل يوم حق المدرسين خخخخ يعني هو عنده مستودع القرطاسية . والمدرس يشرح الدرس قام ورمى الطبشور بقوووووووووة في السبورة والمدرس جالس يكتب على السبورة .. من طيبة المدرس مادار ولا قال شي قام الشاب اللطيف ورمى طبشور ثاني .. اتاري المدرس طلع ذكي ويبي يعرف الطبشور من وين يجي ههههههه . طبعاً الطبشور جاي من منتصف الفصل. وطبعاً ولد خالي ميت من الضحك كالعادة .. وراح المدرس في زاوية الفصل كان في مكنسه (مخمة) جابها وجا وهو يركض ويصارخ وااااااااااااااااااا.. ماشاف قدامة الى ولد خالي (طبعاً انا شردت برى الفصل ) لأني حسيت ان مصيبة راح اتصير... ورفع المخمة من الهوا وجابها فوق خشم ولد خالي وشق خشمة وولد خالي بعده قاعد يضحك والدم ينزل .. طبعاً بعد هالمشكلة المدرس شال قشة ومارجع فصلنا مرة تانية.. هههههه ..

[التحدي]

يعطيك العافية اخي(الصوت الجريح) المشكله بعض المدرسين طيبين وايد وخاصة السودانيين وعلى سالفت السوادنة انا جبت حق مدرس كان يدرسنا رسم وكانت حصته الاولى والثانية انا في هالوقت كنت افرش الكتب تحت الطاولة وانام يجي يدورني وين راحت يقولوا له الشباب كراسته على الطاوله بس ما ندري وين راح ومدرس ثاني كان يدرسنا علوم والله لا يرويك شرحة حنا اللي نصحح له الشرح وكله يقول فهمتوا وحنا نقول اية فاهمين0 وهو مصدق روحه ان شرحة عدل

[aocci]

ههههههههه هلا اخوي محد ماخذ عقلي بس برجع بعد الختبار....

بس كنت مع فيلسوفة وتضيع الصفحة كل ساع

تحياتي

جنــــــــــــــو و و و و و ونـــــــــــــــــة ة ة

[أسير555]

اما انا كنت مؤدب بالمدرسة مااسوي شي مسكين بس احب اضحك خخخخخخخخ
دايما غيااااااااااااااااااااااااااااااب
يسلمووووووا على الموضوع

[التحدي]

هلا(مجنونةكووورة) تحياتي لك على مرورك وبالتوفيق يارب وعقبال التخرج وناكل حلاوة النجاح

[التحدي]

هلا اخي(اسير555) شكرا على المشاركة والله يدوم عليك الدحكة الحلوه والسرور الدايم

[روح]

الصوت الجريح .." ماينفهم وشقاعد يقول لأن صوتة محرحش "هههههه عجبتني .. مسكين ولد خالك ههه

ذكريات المدارس حلووه .. والمواقف وايد بس اكثر شي في ابتدائي ومتوسط ..


اذكر موقف في بتدائي .. كانت ابله القراءه نحيسه كل تضرب البنات .. وكانت وحده من الفصل في احرف ماتعرف

تنطقهم عدل لانها بعدها صغيره .. وكل ماقالت الها عيدي الكلمه تقولها نفس الشي الابنيه .. في الاخير

اخذت البنت من اذونها وقامت تضرب راسها في الجدار .. انا ماتحملت الموقف قمت اصيح هههه :o :cdw:

جات اليه الابله وهزئتنيه تقول انا ضربتش والا ضربتها .. بس والله كل مااذكر الموقف تكسر خاطريه البنت :(


وفي موقف بعد في ابتدائي .. في معلمة كل البنات اللي في الفصل مايحبونها

شلة من البنات مشاقبات راحوا وحطوا مزيل وايد على كرسي الابله .. واهي ماتدري جلست ولما قامت طبع المزيل في التنوره من

وراء ههههه :p.. البنات قاموا يضحكون ولا تدري ليش .. وفي الاخير اكتشفت واشتكت على الفصل كله عند الادراة

يامساكين .. واحنا ماسوينا شي .. شله من البنات اهم اللي سوو الجريمه


وفي متوسط ..عندنا ابله تاريخ طول الحصة تنكت على اي شي .. وماتضحك ولا تبي احد يضحك .. بس تنكت عدل ههه :D

اذا مره النكته اللي قالتها تضحك .. البنات مستحيل يسكتون ومايضحكون مايقدرون يتحملون .. وانا اخاف اضحك مع البنات وتجي لي

وتهزئنيه .. ومره حبست الضحكه وبعد ماخلصوا البنات ضحك .. انا ماقدرت اتحمل و ضحكت ههههههه :o

وهزئتنيه ذيك التهزيئه المحترمه ..


وفي موقف ثاني في متوسط .. في حصة التعبير

كان علينا واجب تعبير .. وانا كتبته في الليل وملانه وفيه النوم طبعا في دفتر المسوده والابله ماتشوفه ههه

وفي حصة التعبير .. ومن حظيه ذاك اليوم الابله داق في راسها انها تشوف دفاتر التعبير المسوده مادري ليش :eek:.. فتحت الابله الدفتر

اول صحفه تمدح ماشاء الله تعبير ممتاز ومرتب وثاني صفحه اوكيه وبعدين ثالث صفحة تشوف الخط

شوي شوي يتغير ويكبر .. وفي الاخير .. صارت كل كلمة في صفحه .. طبعا هذي الخاتمه >>> عيب لاتضحكون ههههه :cool:

طبعا حصلت تهزئيه بعد .. بس استغربت الابله .. دفتر التعبير مرتب والخط حليو ودفتر المسوده رايح فيها هههه :cdw:

واسفين على الاطاله :o

ومشكور اخوي على الموضوع

تحياتي
روح

[التحدي]

يعطيك العافية اختي العزيزة(روح) صج مواقف حلوه ومضحكة وانا في المعهد كان عندنا مدرب حلو مره وكان ولد شباب يعني في عمرنا وكان يخاف يمشي قدامنا لان كل نتكلم قدامة اي شي المهم كنا نشتغل في معامل ظلمة واللي يدخل علينا ما يشوف شي وطبعا حنا نشوفه وقت اللي يدخل وكنا اذا دخل علينا نحط قدامه كراسي او شي على شان اذا دخل يطيح وفي يوم كنا داخل معمل صغير مخصص حق تحميص الافلام الملونه وانا اشتغل على الجهاز طاح الفلم داخل الجهاز وعلى شان الحامل حق الجهاز ما يكسر الجهاز من داخل قفلت الجهاز ورحت كلمته على شان يجي يشيك الجهاز ويش صار فيه وعلى شان ما يتلف الفلم اللي حاطة في الجهاز لازم يكمل مراحل التحميض في الظلمة والعملية تستغرق حوالي نصف ساعة على هذا الجهاز المعفن المهم فكينا الجهاز انا وياه ومعنا باقي العصابة المهم وهو يفك الجهاز انا وراه كنت جالس على طاولة وشبة لاصق فيه على شان امسك الاشياء اللي يفكها وهو يفك الغطيان حس اني وراه التفت لي وقال انت اهني قلت له اشتغل لاتخاف الشباب سمعوا كلمة (لاتخاف) ماتوا من الضحك قال لي كملوا الشغل انا بمشي هههههههههههههههههههههههههههههههههههه المسكين خاف نسوي له شي في الظلمة ههههههههههههههههههههههههههههههههه

[ام عمار]

السلام:أنافي السادس الابتدائي تسئل المدرسة وشو الميناء الثاني في مصر قمت زعجت الفصل أنا أبله نننننننننننننا قلت المرسة قومي قمت قلت الاجابه واشنطون

[القلم الحر]

الله أيام الدراسة خلاص
راحت بلا رجعة إن شاء الله هههه
أذكر أن كانت عندنا معلمة مغرورة ما تواضع للطالبات أبداً دائماً تسخر من الطالبات تستهزأ بهم
أحقر موقف عملته
أنها أخذت دفتر طالبة ورمت به في الزبالة عدا التهزئ اللي نالته الطالبة طبعاً
أنا بالعادة ما اسكت لها دائماً أراددها
فقلت لها :
إذا بتظلين على غرورك هذا ما راح تلقين أحد حوليك
هي انحرجت و قالت انا كبيرة و واعية و فاهمة مو انا اللي اسمع نصيحة من طالبة
قلت لها:
كبار أو صغار كلنا نحتاج نسمع للنصيحة
قمت أنا و أخذت منديل و شلت دفتر الطالبة من الزبالة
وقلت لها :
اسلوبك هذا ما هو اسلوب تتعاملين فيه مع الطالبات
هي من هذاك اليوم حقدت علي تربل هي مو دون شئ حاقدة بعد انا طينتها زيادة بموقفي هذا

و عشان تنتقم مني كرمت البنات كسالى و ما كرمتني
وجات تقول لي انا عطيت اللي يستاهلون قلت لها و أنا اول من يهنيهم و يبارك لهم
مو أنا اللي أتحسف على تكريم في مادة ما أطيقها

هذا موقف واحد معاها بس و الا فيه عدة مواقف طبعاً كان هذا لما كنت في المرحلة المتوسطة

و في ثانوي أشياء كثيرة و أحلاها ان كل المعلمات طيبين و يحبوني ههههاي لا تقولون مغرورة


أوكيه خيوه
موضوعك حلو
بس لو بكتب سجل ذكرياتي المدرسية ما راح يخلص

هذا غير الكلية
انتقمت من مشرفة قهرتني
في قاعة المسرح و بحضور جميع الأقسام و أعضاء هيئة التدريس قلت فيه مشرفات سلبيين في التعامل و يظلمون البنات كلهم تصفير و تصفيق لأن الكل متفق بس خايفين يتكلمون

و قمت قلدت صوتها و عرفت نفسها أنها هي المعنية و انقهرت
و أنا برد قلبي ساعتها
الحمدلله على آخر سنة بردت قلبي


تحياتي لك خيوه
بالسلامة

[da Vinci]

السلام:أنافي السادس الابتدائي تسئل المدرسة وشو الميناء الثاني في مصر قمت زعجت الفصل أنا أبله نننننننننننننا قلت المرسة قومي قمت قلت الاجابه واشنطون


والله حركات ام عمار خخخخخخ

[التحدي]

هلا اختي العزيزة(ام عمار) اخاف الميناء الثاني مو في واشنطون اخاف الميناء الثاني في الهند وانتي غلطتي وقلتي واشنطون000هههههههههههههههههههههههههههههههه ياعلي ويش هالجلام 0 زين ماسمعك بابا بوش كان زعل عليك ههههههههههه

[التحدي]

هلا اختي (القلم الحر) تحياتي لك على مشاركتك في كثير من المعلمين والمعلمات شايفين انفسهم يمكن قالت اكثر من مره ان عندنا مدير قسم يعلم الله انه ما يعرف شي في القسم واي موضوع اي واحد من الشباب يكلمه في قول اعرف اي شي يعرفها حتى لو ما مر عليه قبل كم يوم اشتكوا عليه عند وكيل الجامعة على انه يتعامل مع الموظفي على انهم طلاب المهم يالني ويش رايك في اللي سووه الشباب قلت عندهم حق يعني انت بعد ما تتفاهم كل واحد اختلف وياك بالرائي صار ضدك لاز يكون عندك سعت صدر المهم صار بيني وبينه نقاش طويل عريض قال كلامك صحيح وطلعت من عنده رفع في لفت نظر!!!!

[التحدي]

هلا اخي العزيز(الصوت الجريح) حركات بس (ام عمار) زين مو مشاركة في برامج جورج قرداحي من سيربح المليونين انا اتوقع لو انها مشاركة في من سيربح المليونين يمكن فازت باربع مليون لانها فلته0تحياتي للجميع وسوري للاخت العزيزة( ام عمار) بس اتمنى تخصصك مو جغرافيا-هههههههههههه