¤?°`°?¤?,¸¸,?¤? وين ترووح اذا خنقتك العبره ¤?°`°?¤?,¸¸,?¤?

[غريـب المشـاعر]

وين ترووح اذا خنقتك العبره !!؟؟


وين ترووح اذا خنقتك العبره !!؟؟

فى حياتنا ..

من منا لم يتألم ...

يمر بلحظه اسى ولوعه ..

تخنقه العبره ويجهش بالبكاء ..

نبكى ... وهذا من طبيعتنا بشر .. وأنا أولكم

ولكن تختلف أحوالنا عند البكاء ..

فمنا من يختبئ بحجرته ..

البعض يرتمى فى أحضان أقرب الناس اليه ..وينتحب ..

أنت .

الى أين تذهب عندما تخنقك العبره وتبكى ..؟؟

وماهو شعورك بعد البكاء ..!!
هل تشعر بالراحه لانك نفست عن اللي بصدرك ..

أم بالجبن والعجز لانك بكيت...!!



تحياتي

[M.nAjI]

انا اذا خنقتني العبره لازم اطلع من البيت
افتر بلسيارة لحالي
ولا احب احد يشوف دمعتي في عيني

لانها غاليه علي

وبعد البكاء احس براحه لانه الدمعه احس انها تمسح من همومي

وتحياتي لك عاشق

ولد الغالي

[روح]

اذا خنقتني العبره اجلس في غرفتي ومااحب احد يشوفني عشان لايقولون عني صيوحه

واكــيد ارتاح اذا بكيت احس ان شي من همومي راح مع الادموع ونفست عن اللي بصدري

مشكور اخوي على الموضووع

[أشجاااان]

الــــــــــــــــــسلام ....
مشكوووووووور خوك على الموضوع...

الى أين تذهب عندما تخنقك العبره وتبكى ..؟؟

عندما تخنقني العبره .... وأريد .. البكاء ... أكيد أذهب سريعا إلى غرفتي ....
وأبكي .. بين جذرانها .. وزوايها .... بالكاد ... وسادتي تعرفتني ... تستقبلني .. هههههههه

وماهو شعورك بعد البكاء ..!!

أكــــــــــيد أرتاح .... بس أمنيتي لو كنت أبكي في أحضان أحبابي ..
هل تشعر بالراحه لانك نفست عن اللي بصدرك ..
اممممممممممممممممممممم
يمكن شويه .... لانه أنااا من النوع ما أتكلم كثير عن اللي فيني .. بس في قلبي ..

موفقين لكل خير ..

[شمعه الجلاس]

اجلس لوحدي بغرفتي........ولا ابين لاحد اني بكيت....


ثااااااااانكس

[غريـب المشـاعر]

تسلمون على هالردود الأكثر من رائعه

تحياتي

عشـــوق...

[عاشقةSOoON]

اروح غرفتي لانه مااحب احد يشوفني

[كوكي حبيبي]

هلا
انا مااتحمل استنى اشوي اذا جاتني العبره بسرعه ابجي فضيحه بس في اشياء استحي ابجي عليها قبال احد حتى لو كان اقرب الناس الي مو لأنها ماتستاهل بالعكس تستاهل بس ماادري ليش استحي .بس اذا جاتني ومابي احد يشوفني اروح داري وابجي لين اسكت واذا نادوني عاد ارقع اذا يم الباب احكر اشوي او اضبط نفسي وادور لي عذر واذا نادوني من بعيد اغسل وجهي واستنى اشوي دقايق لين ترجع خلقتي طبيعيه..
تحياتي

[احساس يفوق الخيال]

بصراحة إذا خنقتني العبرة على طول اروح غرفتي هي ملاذي لاني ما أحب احد يشوفني ابكي ولا أحب انو احد يسألني عن سبب بكائي بس بصراحة احيانا ابكي على صدر الوالدة الله يخليها لي ولا يحرمني منها

وبعد ما أبكي أحس براحة كبيرة وبصراحة البكاء نعمة والحمد الله على هاذي النعمة وانا اقول انه نعمة لانو هو الشي الوحيد اللي يريحني لما اكون مضايقة


تقبلوا مروري

أميرة بكلمتي
:52:

[البندري]

إذا خنقتني العبرة أروح لحظن امي الدافئ ... كفايه يوم اني أضمها أرتااااااااااااح

بس في بعض المواقف ماأقدر أروح لأمي أروح على طول غرفتي يعني مثلا يوم اختي تسافر للخارج
لو رحت وضميتها هي بعد بتصيح مو كفايه قلبها المتعور
لكن أسوي حالي قويه ولين رحت الغرفه أبدع عاد كل إلي فيني يطلع

وتحياتي لك اخوي
أختك البنـــــــــــــــــدري

[da Vinci]

ماشاء الله كلكم تروحون ابعيد الا البندري ياسلام عليها ...


طبعاً راح تسألوني وين بتروح . بقول لكم بوقف مكاني ولي رب كبير..

[البندري]

ماشاء الله كلكم تروحون ابعيد الا البندري ياسلام عليها ...


طبعاً راح تسألوني وين بتروح . بقول لكم بوقف مكاني ولي رب كبير..


أكييييييييد انا مالي إلا الله ثم أمي وأبوي :o

[زنوبيا]

مشكوووووور اخوي على الموضوع
..بصراحه أنا قبل لا أنخطب ووأعقد أروح غرفتي
وأقعد على سريري وأبكي
بس من بعد العقد ...خلاص صرت اقول اهمومي لزوجي وأبكي
ومن بعد ماأتكلم معاه أرتاح

[روح الزهراء]

لا تسألونيـــــ .. أين أذهب

نعم .. سأبكي لأبتغاء الرحمة .. وما ألذ الدموع

نصيحة .. لا تشكتو ا لأحد ..

بل اشتك للورقة والقلم لأنها التي

تتحملك و تحفظ السر ..

فنحن في زمن الغدر


شكر ا لطرح الموضوع


/


/


/


روحي كانت هنا

[مدريدي]

ادا خنقتني العبره وحسيت بضيق ادور لي جهه هدؤ على البحر واجلس

واعبيه مره تانيه من الدموع وارتاح وارجع البيت

[بنت البحارنة]

اذا خنقتني العبره
كنت ابكي و اشوف قبالي امي ما اشكي لها ولاكن صوتها يريحني
ولاكن الحيــــــــــن ؟ و من بعد ما راح الصوت ؟
ما في غير اتصبر و اقول " الله كريم "

[da Vinci]

صيحتوني خلاص شكلي بسكر هالموضوع جاب لي الكآبه ...:(