هل تؤيد امتلاك الطفل الهاتف المحمول ( الجوال ) ام لا .. ولماذا ؟

[احساس يفوق الخيال]

السلام عليكم ورحمة الله وبركاته

انتشرت في الأونه الأخيره ظاهره حمل الأطفال للجوالات في الأسواق التجاريه والمنتزهاات وأماكن الترفيه . وأحيااانآ

في المدارس بشكل خفي ، الأمر الذي يفتح الباب للتسأول حول الفوائد والأضرار ، بالنسبه للمجتمع وللطفل نفسه ......!

من هنا تبرز اهمية السوال ؟


السوال هو / هل تؤيد امتلاك الطفل الهاتف المحمول ( الجوال ) ام لا .. ولماذا


مع خالص حبي وتقديري
أميرة بكلمتي
:52:

[da Vinci]

السوال هو / هل تؤيد امتلاك الطفل الهاتف المحمول ( الجوال ) ام لا .. ولماذا



السلام عليكم ورحمة الله وبركاته

الشكر الجزيل لكي اختي العزيزة على الطرح الرائع والمفيد

طبعاً انا لا أأيد امتلاك الطفل للهاتف المحمول الا في ضروف معينة وهي في الضروريات القصوى والتي يحتاج اليها الوالدين لإتصال بأبنائهم...

مشكورة مرة تثانية
ولي عودة مرة اخرى بإذن الله .

[شمعه الجلاس]

مشكوره ع الموضوع خيتو

اكيد اني ماأيد هالشيء ....بس هالايام مافي اليد حيله حتى البزر اللي بالروضه عنده جوال....بس الشره على اهله

وهذا احنا لو حصلت مشاكل.....قام الندم ومدي ايش....

بس احيانا يحتاجه الولد لان كثرت هالايام طلعه ومدري ايش حتى بين الصغار.....اوكي ان ياخذ جوال ولكن مافي ((بلوتوث)) والباقي مفهوووووم...............والمشكله الاعظم لو هو ماعنده غيره عنده ولا ندري شنو النهايه.......

[نســـمات]

الصراحة ما ائد ان الطفل يكون عنده موبايل

صار كل شي يخوف بهذي الدنيا

واذا كان لضرورة القصوى فقط بدون طبعا بلوتوث

بس الحين هاليهال ما ينقدر عليهم اذا حطوا شي في بالهم ياخذونه ياخذونه

ولكن في هذي الامور على الاهل ان يتصرفوا بحكمه ممكن يقترحون على الطفل شي ثاني

يعني يخيرونه بين موبايل وبين اشياء ثانية يحبها مثل بلي ستيشن، كيم بوي عاد هم وشطارتهم

تسلمين حبيبتي على طرحج للموضوع

تحياتي لك ،،،

[احساس يفوق الخيال]

السلام عليكم ورحمة الله وبركاته

الشكر الجزيل لكي اختي العزيزة على الطرح الرائع والمفيد

طبعاً انا لا أأيد امتلاك الطفل للهاتف المحمول الا في ضروف معينة وهي في الضروريات القصوى والتي يحتاج اليها الوالدين لإتصال بأبنائهم...

مشكورة مرة تثانية
ولي عودة مرة اخرى بإذن الله .



مشكور اخوي على حظورك المميز

وبصراحه كلامك هو صحيح وعين العقل

[احساس يفوق الخيال]

مشكوره ع الموضوع خيتو

اكيد اني ماأيد هالشيء ....بس هالايام مافي اليد حيله حتى البزر اللي بالروضه عنده جوال....بس الشره على اهله

وهذا احنا لو حصلت مشاكل.....قام الندم ومدي ايش....

بس احيانا يحتاجه الولد لان كثرت هالايام طلعه ومدري ايش حتى بين الصغار.....اوكي ان ياخذ جوال ولكن مافي ((بلوتوث)) والباقي مفهوووووم...............والمشكله الاعظم لو هو ماعنده غيره عنده ولا ندري شنو النهايه.......


مشكوره اختي على المرور

[احساس يفوق الخيال]

الصراحة ما ائد ان الطفل يكون عنده موبايل


صار كل شي يخوف بهذي الدنيا

واذا كان لضرورة القصوى فقط بدون طبعا بلوتوث

بس الحين هاليهال ما ينقدر عليهم اذا حطوا شي في بالهم ياخذونه ياخذونه

ولكن في هذي الامور على الاهل ان يتصرفوا بحكمه ممكن يقترحون على الطفل شي ثاني

يعني يخيرونه بين موبايل وبين اشياء ثانية يحبها مثل بلي ستيشن، كيم بوي عاد هم وشطارتهم

تسلمين حبيبتي على طرحج للموضوع


تحياتي لك ،،،



أي والله يهال هذا الزمن ما ينقدر عليهم بس من الاهل الله يهديم

وصدقين انك ذكرتين بسالفة مره بمحرم واحنا طالعين من الحسينية كان يمشي قدامنا اثنين اطفال يعني قولي بصف ثالث رابع ابتدائي كان واحد منهم عنده جوال وكانوا يسولفون عاد اللي معاه جالس يسأله كيف اهلك رضو ياخذولك جوال تدرين شنو رد علية جالس يقوله جلست اصيح اصيح لين اخذوا لي شفتي شلون الزمن يالله الله يهدي الكل


مشكوره اختي على مرورك وعلى ردك

[da Vinci]

ههههه

حلوة ذي (جلس يصيح لين عطوة اللي يبي )

والله هذا عيب من التربية مو من الولد الصراحة لأنه تربى على كذا تلا قون ان الولد هذا لما كان صغير كان يصير واجد وابوة وامه يبونة بس يسكت لكن مايدرون هو اشيبي . هذا شي ..

الشي الثاني تلاقونهم لما يصيح الطفل على طول يعطونة اللي يبي لين تعززت عندة هذي الصفة السيئة وانا من رأيي انه حتى لما يتزوج راح يصيح لين تعطيه اللي يبي ههه ..

الهاتف المحمول اللي المفروض يعطى للطفل لازم يحمل مواصفات معينة يعني ماله داعي الكاميرا والبلوتوث والتكنولوجيا المتطورة .. بس في نفس الوقت في هذي الأيام تطوروا الأطفال الى درجة انهم في عمر مبكر يستخدمون الكمبيوتر و التكنولوجيا بشكل رهيب جداً. يعني بالنسبة الى جيلنا احنا الحين اللي في العشرينات هذا شي غريب علينا لأن احنا لما كنا صغار ما عندنا الا كمبيوتر صخر و مانلعب الا رامبو و باك مان انشان تذكرونة ههه قديم ومامنه فايدة بس الأطفال الحين يفرمتون الجهاز وينزلون الويندوز وانت تطالع ومستغرب ..

على العموم آسف على الاطاله

وانشالله ماثقلت عليكم..

[كوكي حبيبي]

هلا خيتو
بصراحه انا مأيد انا الطفل يمسك جوال اذا كان تحت ال13 الا اذا كان ضروره واشي ثاني يعني
لأنه يضل طفل طفل ومايعرف يوازن الامور
بس اللي من 13 وفوق هالأيام لازم يطالبون بجوالات اسم رزه وبنفس الوقت زين للأم والابو يطمنون عليه لأن كبر وبيصير راعي عرات هههههههههه
اما اللي تحت ال13 عاد ماينعطى وجه لا بيطلع لحاله ولا يصلح لحاله باي مكان
تحياتي

[روح]

السوال هو / هل تؤيد امتلاك الطفل الهاتف المحمول ( الجوال ) ام لا .. ولماذا

لا أأيد امتلاك الطفل للجوال .. اللي اشوفه ان الاطفال اللي يمسكون جوال لازم بلوتوث وكيمرا من النوع المتطور !!

اذا بيعطونه جوال .. يكون جوال عادي وللضروره فقط .. واذا الطفل مو من النوع اللي يطلع وايد مايحتاج جوال اساسا.. والمفروض الام ماتخلي ولدها يطلع وايد وتحافظ عليه .. والله هالزمن صار يخيف

وكم طفل تعرض للضرب والتهديد وسرقوا جواله !؟ .. ليش نخلي الطفل يتعرض لهذي المواقف واحنا في غنى عنها

جلست اصيح اصيح لين اخذوا لي

هذا بيعلمون ولدهم من الصغر على الدلاعه ولا بيعتمد على حاله اذا كبر بفكر كل شي يجي بالاصياح والحنه والمنه لين مايحصل اللي يبيه .. الله يساعد امه وابوه عليه

شوفوا هذا الموضوع :

هواتف محمولة مخصصة للأطفال في دبي


ذكرت تقارير امس أن الامارات العربية المتحدة تستعد لاستقبال طرز جديدة http://saihat-boys.com/vb/images/smilies/vb%20%28248%29.gif من الهواتف المحمولة المصممة خصيصا للاطفال.

وذكر إن شركة ديزني الامريكية هي التي تنتج الهواتف الجديدة وهي مصممة لتتبع الاطفال الذين تقل أعمارهم عن ثماني سنوات. وهي مصممة بحيث تتيح للوالدين السيطرة على الاتصالات التي يجريها أطفالهم ولا تستقبل أي محتوى غير ملائم من الانترنت. ولم يتضح بعد قدرة الهواتف الجديدة على منع إجراء اتصالات غير مرغوبة فيها أو منع المكالمات الهاتفية الطويلة.

كما لم يكشف مطورو الجهاز الجديد عما إذا كانت هناك إمكانية لتحديد ساعات الاتصال بشبكة المحمول فقط أثناء اليوم. كما أن الجهاز مزود بخاصية إضافية لتحويل الجرس إلى مجرد اهتزاز أثناء الحصص الدراسية بشكل تلقائي.

ويأتي طرح الهاتف الجديد في أعقاب الدراسات التي أشارت إلى انتشار حمل الهواتف المحمولة بين الاطفال في الامارات العربية المتحدة بنسبة كبيرة.


تحياتي
روح

[احساس يفوق الخيال]

مشكوره اختي روح على حضورك العطر نورتي

اميرة بكلمتي
:52:

[التحدي]

هلا ( اميرة بكلمتي) بصراحه الحين الكثير منا ما يؤيد ان الطفال يصير عندهم جوال بس الحين الكل يقول للضورة احكام يعني الولد في المدرسه والبيت فيه سواق لو بيروح حق صديقة لامز يكون عنده جوال على شان بس اهم شي اذا احد عطى ولده لو بنته جوال وخاصه فيه كاميرا وبلوثوت تكون هناك مراقبة مستمره على شان يحمي ولده لوبنته من الاخطار اللي ممكن تجي عن طريق الجوال وخاص ان الحين نمشي في الطريق ما توتعي الا جاتك رساله من واحد يفتحه يشوف شي يطير العقل ضرب ومضارب ورفيسح وماخفي كان اعظم000 تحياتي لك واسف على الاطاله

[احساس يفوق الخيال]

هلا فيك اخوي التحدي

هو جد للضروره احكام بس بصراحة هذا الزمن يخوف


مشكور اخوي لى مرورك ومشاركتك

[التحدي]

هلا( أميرة بكلمتي) اهم شي تكون هناك رقابة مستمره ومع من يمشي الولد والله يحفظ الجميع0

[دافـــي الشعــور]

سلام

موضوع جيد اختي
:
انا ما ادري اي عمر تقصدين بالضبط, لكن على اية حال..
لا مانع لدي, لكن قبل كذا لابد انصحه وافهمه شلون المفروض يستخدم الجوال بشكل صحيح.. سواء كان هاتفياً (اي استقبال وارسال المكالمات) او تقنياً.. (اي في كيفية التعامل مع الكام والبلوتوث والصور ووو وغيره..)
ويفضل يكون جوال عادي ومن غير كاميرا..

وعلى ذلك لابد ايضا من مراقبته أول بأول..
:

وبس

,

[احساس يفوق الخيال]

تحياتي لك اخوي

ومشكور على مشاركتك

[da Vinci]

في انتظار مشاركاتكم وابداء آرائكم..

[أحلى جود بالوجود]

بصراحه ما أيد الطفل يكون عنده جوال
بنتي عمرها 5 سنوات طربت طربه تبي جوال
ليش أولاد وبنات عماتها في سنها عندهم وهي لا...
بس أنا عندي جوالين قمت أقنعها هذا لش بس يضل عندي
إذا أتصلو لش باقول لش أوكي .. أوكي
عشان بس تقول حق بنات عمتها أنا بعد عندي
يوم خلصت فشار بعد أسبوع قالت ماما ماأبيه خلاص
ما يصلح الجهال يمسكون جوال صح ماما
خلاص بعد فوشرت قدامهم وخلصت خخخخ
وأنتهت....

وأسفه طولت عليكم
تحياتي

[احساس يفوق الخيال]

ههلا فيك خيتوو

نورتي

[HaMo0oDy]

صراحه لا انصح بإعطال الأطفاج جوال في سن صغير

و الأسباب ..... مثل اللي ما عارضو .. حق عن الفلسفه خخخخ :)

يسلمو " احساس اميره "
اسم جديد هه
تحياتي

ح ــــــــ ـم ـــــــود

[احساس يفوق الخيال]

يسلموو خيوو ع المررور

اي وحلوو الاسم الجديد طالع شي

نورت خيووووو

احساس يفوق الخيال

[تفاحة حواء]

مسائكم طيب .. عطر .. يعبق ياسمين ..

.................................................


في زمن تداخلت فيه الأمور الأيجابية والسلبية .. نستطيع ان نعرف في اي مكان وفي اي زمان نستخدم وسائل التكنلوجيا ..وفي أي ضروف تستدعي اعطاء طفل صغير الهاتف المحمول وبأي مزايا ..

تعددت المواصفات في أي جهاز محمول ..نستطيع مثلا شراء جهاز محمول بدون كاميرا وبدون بلوتوث لغرض التواصل ومعرفة مكان الطفل في أي مكان وزمان .. وليس بالضرورة اعطائة الجهاز طيلة الوقت .. عند الخروج مثلا خارج المنزل ..

وبرأي لا يقتصر الموضوع على الجهاز نفسة .. ونحن نعلم بالتأكيد انه لو لم يعرف بعض السيئات من الجهاز المحمول سيعرفها بطريقة أو بأخرى ..

ولكن الموضوع أكبر من جهاز محمول الموضوع يعتمد على الطفل نفسه تحصينه داخليا بالأداب الطيبة وتعليمه الصحيح من الخاطئ والتربية الصالحة كفيلة بجعل الطفل يقف أمام كل صورة سيئة ويقول لا هذه خطأ ..

أو يقول نعم انا افعل الصح ؟؟؟

.................................................. .


عذرا للأطالة .. ودمتم بأمان الله ..

......................................


تفاحة حواء

[احساس يفوق الخيال]

اسعدني مرورك اختي الغالية

لا تحرمينا هالطلة

احساس يفوق الخيال

[صمت الايام]

بسم الله الرحمن الرحيم
السلام عليكم ورحمة الله وبركاته
اود ان يملك محمول في بعض الحلات تخيلي انكي في مجمع كبير ونتي تتمشين فجىء اختف الولد ونتي في هل حالة ماتدرين وين اتجه وفي هل الحالة المنقذ في هل حالة هو المحمول فاذ كان يحمل المحمول سوف تستطعين ان تعرفين اين هو وغيرها من المواقف........................................... ...............................

[احساس يفوق الخيال]

يسلموو خيتوو ع المرور

نورتي

احساس يفوق الخيال

[نور الليالي]

السلام عليكم ورحمة الله وبركاته

الشكر الجزيل لكي اختي العزيزة على الطرح الرائع والمفيد

طبعاً انا لا أأيد امتلاك الطفل للهاتف المحمول الا في ضروف معينة وهي في الضروريات القصوى والتي يحتاج اليها الوالدين لإتصال بأبنائهم...

مشكورة مرة تثانية
ولي عودة مرة اخرى بإذن الله .



رأيي يوافق اخي الصوت ..
للتوضيح :لدي اخ صغير في الرابع الابتدائي ولكنه يملك محمول رغم صغر سنه وان سألتم عن السبب سأجيب انه مشارك لبطولات خارج سيهات لذلك فهذا احد الظروف التي تشمل كلام اخي الصوت الجريح .

[salam]

بالنسبة لي لا ماأيد ان الطفل يحمل جوال

والكل يعرف ان هذا الزمن مو زمن

كل شي يصير

يعني لو واحد بيشوف جاهل عنده جوال بيروحله بيعطيه كف وباخذ الجوال

مشكووورة اختي

تحياتي

[احساس يفوق الخيال]

مشكوورين حبايبي على مروركم

وابداء اراكم

نورتوو

احساس يفوق الخيال

[نونة الحلوة]

السوال هو / هل تؤيد امتلاك الطفل الهاتف المحمول ( الجوال ) ام لا .. ولماذا

طبعا لا اولا شي معروف جدا ان الجولات بها مخاطر كثيرة حتى على الكبار
ثانيا لمين بيتصل اهله و معه مين ذا الفاضي الي بيتصل لطفل بعد
ثالثا اطفال هاليومين متشرطين ماتلعبين عليهم بجوال بدون بلوتوث او بدون كيمرا
و ماطيح عينهم الا ع الغالي يعني لو بتعد عن اهله بالسوق خطوتين سرقوه
و الخسارة فوق راسك يالابو بعد يبي جوال جديد

واذا كان ذا تدليع انا ما اسميه تدليع اسميه كره لان قاعد يضر طفله

يسلموووو ع الموضوع

[da Vinci]

بالنسبة لي لا ماأيد ان الطفل يحمل جوال

والكل يعرف ان هذا الزمن مو زمن

كل شي يصير

يعني لو واحد بيشوف جاهل عنده جوال بيروحله بيعطيه كف وباخذ الجوال

مشكووورة اختي

تحياتي

كلامك فيه نسبة من الصحة وصارت لواحد يقرب لي هالحركة كفخوة واخدو جواله بس هذا شي نسبي مو دايماً يصير

السوال هو / هل تؤيد امتلاك الطفل الهاتف المحمول ( الجوال ) ام لا .. ولماذا

طبعا لا اولا شي معروف جدا ان الجولات بها مخاطر كثيرة حتى على الكبار
ثانيا لمين بيتصل اهله و معه مين ذا الفاضي الي بيتصل لطفل بعد
ثالثا اطفال هاليومين متشرطين ماتلعبين عليهم بجوال بدون بلوتوث او بدون كيمرا
و ماطيح عينهم الا ع الغالي يعني لو بتعد عن اهله بالسوق خطوتين سرقوه
و الخسارة فوق راسك يالابو بعد يبي جوال جديد

واذا كان ذا تدليع انا ما اسميه تدليع اسميه كره لان قاعد يضر طفله

يسلموووو ع الموضوع

موضروري خيتي انه يضر الطفل لأن الطفل او الطفلة يحتاجون انهم يواكبون العصر
احنا قبل كم سنه واحنا نعتبر كبار على اللي في ابتدائي الحين واحنا ماكنا نملك على اعمارهم حتى بيجر :wink: لكن الزمن تغير ويحتاجون الى تواصل بينهم وبين اهلهم

انا شخصياً اذا كان عندي ولد او بنت في سن التمييز يعني رابع او خامس ابتدائي راح اعطيهم موبايل عشان اكون على تواصل تام معاهم .


رأيي يوافق اخي الصوت ..
للتوضيح :لدي اخ صغير في الرابع الابتدائي ولكنه يملك محمول رغم صغر سنه وان سألتم عن السبب سأجيب انه مشارك لبطولات خارج سيهات لذلك فهذا احد الظروف التي تشمل كلام اخي الصوت الجريح .

شكراً على توافقك لي خيتي :43: