شارب الخمر

[زنوبيا]

السلام عليكم ورحمة الله
بهذه الأيام نسمع واجد
عن سوالف الفساد وانشاره
سواءا للشباب أو البنات
لكن موضوعي يتحدث عن شرب الخمر
وأوجه سؤال للبنات :
_اذا انخطبت وعقدت وقريب الزواج عرفتي بطريقه مباشره أو غير مباشره
انه يشرب ؟هل بتواصلين زواجك ولا بتغيرين رايك مدام انت أول الطريق؟
_في حال لو كنت في أول سنة بعد زواجك واكتشفتي ان زوجك يشرب؟
ومافي بينكم اعيال ؟اشراح يكون موقفك ؟
_أو صار عندك اعيال ولد أو ولدين وصار الزوج يشرب؟مالموقف الي راح تتخذينه؟

سؤالي للشباب:
_مارأيكم بشاب تسمعون عنه انه يشرب الخمر؟
_واذا خطب منكم اختكم أو بنتكم ؟شموقفكم ؟الرفض ولا ان هذا عيب مثل كل العيوب؟
_اذا كانت بنتكم في بداية حياتها وعرفتوا انه يشرب ؟
هل راح تتخذون موقف معين ولا راح تسكتون وبنتكم تواصل مشورها معاه؟

[da Vinci]

سؤالي للشباب:
_مارأيكم بشاب تسمعون عنه انه يشرب الخمر؟

رايي الصراحة اني مالي علاقة فيه نهائيا ..








_واذا خطب منكم اختكم أو بنتكم ؟شموقفكم ؟الرفض ولا ان هذا عيب مثل كل العيوب؟
نجوم السما اقرب له من خطوبة احد من اقاربي مو بس اختي.



_اذا كانت بنتكم في بداية حياتها وعرفتوا انه يشرب ؟
هل راح تتخذون موقف معين ولا راح تسكتون وبنتكم تواصل مشورها معاه؟

بالنسبة اذا تزوج البنت وبعدين عرفنا انه يشرب فهذا من غباء الاهل انهم ماسألوا عنه.
الصراحة راح يكون موقف صارم يا يوقف عن الشرب او ينسى انه متزوج اصلاً.


شكراً خيتي زنوبيا على اسئلتك الحلوة ومواضيعك الأحلى

[دافـــي الشعــور]

هلا بك اختي زنوبيا
:

_مارأيكم بشاب تسمعون عنه انه يشرب الخمر؟
إذا كنت على معرفه شخصيه فيه
قد ما اقدر احاول اني انصحه بحيث انه يترك هالشي.. واصير اتابع معاه اول بأول.. وان مانفع اللي يريحه..
اما اذا مالي علاقه فيه, اللي يريحه يسوي اللي يسويه
والله يهديه

_واذا خطب منكم اختكم أو بنتكم ؟شموقفكم ؟الرفض ولا ان هذا عيب مثل كل العيوب؟
اذا لازال مستمر يشرب الخمر ما راح ارضى طبيعي!
الا اذا كان من الماضي والله هاديه هذا شي ثاني.. كثير ناس غلطو والله هداهم
غير الامور الثانيه اللي راح ادرسها واتبحث عنها عن نفس الشخص, اذا انه يناسبنا او لا


_اذا كانت بنتكم في بداية حياتها وعرفتوا انه يشرب ؟
هل راح تتخذون موقف معين ولا راح تسكتون وبنتكم تواصل مشورها معاه؟
نهائيا ما راح نسكت! ولا حتى راح نتفاهم معاه! شي عن شي يفرق.. اذا كان الزوج كذا شراح تكون النتيجه بعدين؟ بعيالهم ومستقبلهم.. اكيد بيندمرون
:

عشان كذا لازم نسال وندرس عن الشخص وعن اهله ومنهم ربعه!
:

عشان ما يطيح الفاس بالراس بعدين

:

عموما يعطيك العافيه اختي زنوبيا

[زنوبيا]

يعطيكم العافيه اخواني
ومشكورين على ردودكم:)

[da Vinci]

الله يعافيش خيتي زنوبيا

[نســـمات]

_اذا انخطبت وعقدت وقريب الزواج عرفتي بطريقه مباشره أو غير مباشرهانه يشرب ؟هل بتواصلين زواجك ولا بتغيرين رايك مدام انت أول الطريق؟

اكيد بغير رايي وماراح اتربط فيه

_في حال لو كنت في أول سنة بعد زواجك واكتشفتي ان زوجك يشرب؟
ومافي بينكم اعيال ؟اشراح يكون موقفك ؟

يا يترك الخمر او انفصل عنه

_أو صار عندك اعيال ولد أو ولدين وصار الزوج يشرب؟مالموقف الي راح تتخذينه؟


هذا موقف اصعب والله يعين الصراحه ما ادري شسوي

اكيد باخذ راي اهلي وبستشيرهم في هالموضوع

واذا ما ترك الخمر بيت اهلي اولى فيني

هذا الي قاصر اعيش مع واحد خمار << تفاعلت مع الموضوع بتصيح

الله لا يبلينا ان شاء الله

مشكورة اختي زنوبيا على موضوعج

تحياتي لك ,,,