قطعـــت الوصــــل ياشــــــــــاطر /// [الأرشيف]

مــ الحزن ــلاك

04-07-2007, 07:50 PM

http://www.wz63.com/up/uploads/86b6ab5920.gif
//
\\

ياما رجيتك علني أفهم الدرس
تضحك لي أنفاسي وتبكي لي أوراق
لا تحسب إني في رجا رحمة الشمس
أموت والله ما أنتظر لحظة
إشـــــراق !

http://www.wz63.com/up/uploads/b3fa7eb913.gif

ماخبرت الحب أنا قبلك صعب
لين أعماني من الريح الغبار
كل عمر راح قبلك ما إنحسب
تايه مالي بلاد ولا ديار
كان لي حنيت ذا عز الطلب
وكان ماحنيت
"نسيانك قـــرار"

http://www.wz63.com/up/uploads/b3fa7eb913.gif

أي محبه وأي عشره وأي كلام
وأي شوق اللي إنت تتكلم عليه ؟!
يعني واثق إن باقي لك مكان
وإن قلبي يرد لو
تـرتجـــيه !
وين شوقك يوم أنا إحتجتك زمان ؟
وين حبك يوم أنا ميت عليه
روح للي بعت لأجله الحب زمان
بس لا تنسى تسلم لي عليه

http://www.wz63.com/up/uploads/b3fa7eb913.gif

قطعت الوصل ياشاطر
قوي القلب تعجبني
تحسب إني أنا ناطر
و شوقي لك معذبني ؟
وأنا ماهزني هاجر
ولعب عيال ضحكني
ولكن خلك الصابر
وعلى فرقاك عودني
عشان أنساك في الآخر
ومثلك مايشرفني

http://www.wz63.com/up/uploads/b3fa7eb913.gif

تبي الصراحه ماعرفنا نواياك
تشد الحبل ثم ترجع وترخيه
لك مدة وانت تكرر خطاياك
ماني بجاهل تزعله ثم ترضيه
إن كنت ناوي بالهجر مامنعناك
قبلك فقدنا من نعزه ونغليه !

http://www.wz63.com/up/uploads/b3fa7eb913.gif

وفر كلامك ورني عرض الأكتاف
قلبي كره هرجك ولا هو بمجبور
ترى القلوب بطبعها شي شفاف
الكسر فيها صعب تلقى له جبور
ولا تحسب إني من الهجر بخاف
ياشيخ خذ حبك وقلبك ومشكور

http://www.wz63.com/up/uploads/b3fa7eb913.gif

إصبر ياقلبي وإنتظر خل الحزن مكتوم
كل المعاني تغيرت واتضحت الصوره
صار الصدق في هالزمن مثل الوفا معدوم
ونفوسنا تجرحت والفرحه مكسوره
كل المباديء تنشرى واللي معاه يسوم
حتى المشاعر أرخصت والكلمه
"مـــهـــدوره"

http://www.wz63.com/up/uploads/b3fa7eb913.gif

الله يرحم حبنا اللي قتلتيه
جفت دموعي والبقيه في حياتك !
انتي بديتي الحب وانتي نهيتيه
اقري عليه الفاتحه في صلاتك
مره لبستي الحب ومرات شلتيه
هذا الهوى لا تحسبينه عباتك
قلتي احفظه تذكار وقلت لك مابيه
تذكار حبي هو
شهـــادة وفاتـــك !

http://www.wz63.com/up/uploads/b3fa7eb913.gif

مجبور نضحك يازمان العجايب
دام البشر صار بوجه وجهين
غصب علينا نبتسم للمصايب
دنيا نسايرها على العسر واللين
منها بكى طفل صغير وشايب
وياما ضحك منها عليها مجانين !

http://www.wz63.com/up/uploads/b3fa7eb913.gif

بطلت أحب وأعيش دنياي مرتاح
حتى الهوى غيرت فيه اتجاهي
لا حزن لا دمعه ولا ذل وجراح
لا قلب مشغول ولا فكر ساهي
بدلت كلمات الغزل جد وصياح
لا عاش من يقدر يعكر مزاجي
أباخذ الدنيا دلع لعب وأفراح
أبغى كذا أعيش دنياي لاهي !

http://www.wz63.com/up/uploads/b3fa7eb913.gif

من يزرع الورده على الصخر غلطان
مثل الذي ينقش على الماء قصيده
خدعتني مالي عليك أي برهان
وإن انهضم حق الخوي من يعيده ؟!
قل وش بقى عقب الذي بالهوى كان
وإذا نقص عمر الهوى من يزيده ؟!

http://www.wz63.com/up/uploads/b3fa7eb913.gif

قلت : انتهينا
وقلت لك : خير ياطير ؟
مانيب أول شخص يخسر غرامه
ماكان حبك غير , بس طعنتك غير
علمتني معنى الندم
والنـــدامـه

http://www.wz63.com/up/uploads/b3fa7eb913.gif

كل شي يقول بنفـتـرق
قبل الفراق ,, بنــفترق !
اللي بقى من الكحل بعيون فرحتنا
قريـــب بينسرق
واللي بقى من البحر بأصابعي وأصابعك
بيـــحترق

http://www.wz63.com/up/uploads/b3fa7eb913.gif

أنا مالك أمل فيني ولو في الإصبع العاشر !
تلاقينا
تفارقنا
بدينا لعبة "الأقـــــدار"
أنا حبيتك بقلبي وهذي غلطة الشاطر
مشيت خطوة إحساسي وضعت بآخر
المشـــــوار

http://www.wz63.com/up/uploads/b3fa7eb913.gif

كيف تهواني وتهوى شخص ثاني ؟؟!!
كيف تجمعنا وسط قلبك سوى ..
يوم تجمعنا بقلبك يا أناني
من يحب اثنين ماعمره هوى

http://www.wz63.com/up/uploads/b3fa7eb913.gif

"خطــــاي"
إني سألت وجيت أدور للغياب أسباب
خطاي إني تعلمت الوفا والناس كـــذابه
حسايف يازمن
ماعاد باقي بذا الزمن أحباب !
على حسب المصالح كل واحد يحسب
حســــابه

http://www.wz63.com/up/uploads/b3fa7eb913.gif

متى حسيت بغيابي ؟
متى أثر بك عتابي ؟
برود الثلج أعصابك وأنا محروقـــه أعصابي
خلاص أرجوك خليني
تعب قلبي وبكت عيني
تعلمنا من الدنيا وتغير كل شي فينا
أنا من وين ألاقيها ؟
من الدنيا ومن اللي فيها
والا من جروحي اللي عجز قلبي
يداويــــها ؟//

http://www.wz63.com/up/uploads/b3fa7eb913.gif

بودعك وإنت اللي ساكن بدمي
ابقى بعيد وروحك معي في ثيابي
وان سولفوا في حضورك عن بعض همي
قل لهم كان يعشق ريحة ترابي
قل لهم لأبلل دمع الحزن كمي
هذي دموعه ولكن هي من أسبابي

//
\\

إن شاءالله تنال إعجابكم !!

تحيـــاتي

http://www.mixq8.com/uploads/uploads15/JKJA.gif