سعودية ولكني اعيش بقلب يوناني

[princess]

هذي قصيدة للشاعرة السعوديه ( ونـــــــــــــــه ) .. من كثر مااحبها ,, حافظه كل حرف فيها ..

أدور للمدينه في خيال حطه أفلاطون ..

سعوديه ولكني بعيش بحلم يوناني ..

بعيش بحلم يرفعني على روس البشر وآمون ..

أصير أكبر من إحساس السنين الميت الفاني ..

أصير أكبر من أرتام تشكل بالنهايه لحون ..

نرددها إذا اشتد القهر لادان لاداني ..

ابتفرعن واصير اكبر من إني انحسب فرعون ..

بصير اكبر من آثار القتيل وحجة الجاني ..

بحاول أجعل الدنيا بلا آهه ودون ديون ..

مافيها حقد ولايسكن ثراها واحد أناني ..

أبيك تكون يالقاضي مع (الونه) عضيد وعون ..

على اللي حيل حطمني وزاد سنين حرماني ..

أحط أحلامي بكفه ويحلف للغرام يصون ..

وأنه مهما يحصل له أبد ماراح ينساني ..

حكى للناس عقلني .. وهو زاد الجنون جنون ..

وأنا لجله أبتفاخر أمام الناس بجناني ..

بنى لي وسط أضلاعه خنادق غايره وحصون ..

دخلت فوسط خفاقه ولا أدري وين وداني ..

هربت من الوريد اللي يقيد قامة المسجون ..

عشان ألقى مفاتيح الخلاص بوسط شرياني ..

أسير وكن ماتحت الحواجب منخلق لي عيون ..

طريقي معتم ورجلي إذا بسير تعصاني ..

أدور.. أسأل صديقاتي.. أردد يابشر تكفون ..

أنا ويني ماعاد أدري ولا أدري وين بلقاني ..

أدورني مابين آخر مدارات امتزاج اللون ..

ولكن للأسف إني ماعاد أشوف الواني ..

سواد انصب في عين(ن)حوت قبل الفراق الكون ..

تسربل في الحشا لين السواد بصمت أعماني ..

بغيت أعيش لكنه قتلني وابتسم بالهون ..

ذبح نصفه قبل لاكمل بقلبه نصفي الثاني ..

ذبحني وارتفع رأسه على بيد(ن)تسمى متون ..

دخيل الموت غني لي بودي اسمع أغاني..

تراي أسمع تراتيل العروق بداخلي يبكون ..

وأحس إني عشان أحيا لزوم أقيد لساني ..

ثلاث أرباعنا حنا البنات نموت ماتدرون ..

نحب بصمت ونواجه جنون الشوق ونعاني ..

ندور للمدينه في خيال(ن)حطه أفلاطون ..

سعوديات لكنا نعيش بقلب يوناني ..

[أبعاد]

صح لسانك
ولسان شاعرتها
لاعدمنا جديدكـ
ورده امها

[دلـع الكـون]

يعطيك الف عافيه خيتوو
تقبلي مروري