غرفة اجتماعات مركز سيهات بويز للدعاية والإعلان

[da Vinci]

بسم الله الرحمن الرحيم

السلام عليكم ورحمة الله وبركاته


هنا موقع اجتماعات اعضاء ومنسوبي مركز سيهات بويز للدعاية والإعلان .

سيكون الموضوع مخصص فقط للنقاش حول مواضيع المركز وكل ما يخصة .

يكون هناك اجتماع اسبوعي للجميع في هذا الموضوع للحوار حول آرائكم حول قضايا المركز.

سأقوم بتحديد يوم الإجتماع بعد الأخذ بآرائكم لتحديد ما يناسبكم من ايام ..

[da Vinci]

سأطرح موضوع النقاش رقم واحد عند تواجدكم ..

[Mistice Girl]

السلاام عليكم والرحمه

اهلين اخوووي والله فكرة حلوة

ان شااء الله الكل متواجد

بس يا ريت تحدد يوم معين وساعه معينه للاجتماع عشان الكل يكون متواجد

[البندري]

مسائك ورد ...
اشرقتنا بموضوع جديد ومميز كالعاده
ونحن متواجدين مع انامل قلمك اطرح لنا موضوع نقاشك :)

ويعطيك العافيه يا استاذ المنتدى

[da Vinci]

السلاام عليكم والرحمه

اهلين اخوووي والله فكرة حلوة

ان شااء الله الكل متواجد

بس يا ريت تحدد يوم معين وساعه معينه للاجتماع عشان الكل يكون متواجد


هلا خيتي ان شاء الله بس الوقت واليوم راح يتحدد مع الكل لأني ما ادري عن ظروفكم .. لما تتواجدون كلكم راح انشوف..
شكراً لسرعة الاستجابة

مسائك ورد ...
اشرقتنا بموضوع جديد ومميز كالعاده
ونحن متواجدين مع انامل قلمك اطرح لنا موضوع نقاشك :)

ويعطيك العافيه يا استاذ المنتدى


خيتي البندري مسائك احلى من الشهد يارب

ماقلت لش لا تقولين استاذ :nosweat: ماحب هالكلمة ابد ريحيني ولا تعيدينها خيتو بندري :097:

سي يو :biggrin:

[البندري]

ان شاء الله طال عمرك تم مااقولها :)

وننتظر موضوعك على احر من الجمر

[ضوء القمــــر]

والله أنا لابتوبي في المصلح يمكن بكرة أو اللي بعدة يطلع يعني حاظرين أي وقت وأي ساعه بعد وأدا أشتريت سيدي الفوتو راح أقولكم

الله يعطيكم العافيه

موفقين

[princess]

اي وقت واي ساعه احنا حاضرين

يعني من العصر لين الليل

ويعطيك العافيه استاذنا ( تعاند الاخت خخخ ) على مواضيعك المميزه

[شمعه الجلاس]

ماشاء الله ياخووي
كل يوم تجينا بفكره حلووه
مبدع ومتألق دائماً,,,,
ماقصرت,,,
ويعطيك ربي ألف عاااااااافيه

ننتظر الموضوع الأول للنقاش
:)
خيتك,,شمووووع

[da Vinci]

اشكركم على تواجدكم الحلو هذا الله يبارك فيكم ويعطيكم الف عافية

اول شي اشرايك نختار يوم من ايام الأسبوع في البداية

اختاروا اليوم ؟؟؟؟؟
وانشوف منو اللي يتوافق معاه اكثر راح ناخذ راي الأغلبية وبعدين نختار الساعة مومشكلة ..

بسم الله ابداو احبابي

[شمعه الجلاس]

انا من رأي يكون يوم الخميس,,,
لأن هالوقت وبالليل ,,يمكن الكل يكون متوااجد,,


وننتظر باقي الأعظاء ونشوف الوقت المناسب,,,,,

:)

[ضوء القمــــر]

بوم الاحد مثلا أو الأثنين وتكون الساعه مثلا 1 او 2 الظهر لأن العصر أطلع انا ماكون موجود والأربعاء والخميس أنا ماأتحصل وأنتو على راحتكم

[Mυsтαƒα ★]

في اي يوم انا كل يوم متواجد
اي وقت اخوي من العصر الى الصباح

في انتضار الموضوع الاول للنقاش

والله يعطيك الف عافيه

تحياتي

[شمعه تحترق]

السلام عليكم

شكلي آخر الحضور http://up101.arabsh.com/my/13a2c89.gif

يعطيكم العافيه جميع قواك الله اخوي الصوت

بخصوص الخميس بالليل مناسب لأنو بالعصر تعرفو يجتمعو الاهل وزحمه

ونفس الشي الجمعه نظامي كله يتغير في هاليومين .. وشوي مودي يتغيربعد بسبب الازعاج والزحمه

غيرهم (قصدي غير الخميس والجمعه العصر) إ شاءالله اي وقت مناسب

وعموما بالليل مناسب جداااااااا

خصوصا لوكان بعد الــ9 اكتير امنيح

عساكم عالقوه

[hahs2002]

مشكور اخوي الصوت على الفكره الرائعه ومن ناحيتي افظل

ايام الاربعاء والخميس وخاصه بعد 11 الليل

[Mistice Girl]

اني بالنسبه لي عااادي اي يوم بس قبل الساعه 12 الليل لانه يكون ورااي دوام يوم ثااني

[da Vinci]

راجع لكم انتظر يكتملون الشباب ..

[da Vinci]

للحين الأيام هي

الأحد

الإثنين

الأربعاء

الخميس

الجمعة

يالله اختاروا واتفقوا على رأي ياالربع ..

انتظر ردودكم وبناخذ رأي الأغلبية زي ما قلت لكم من قبل

[Mistice Girl]

ممممممممممممم عندي يووم الجمعه نوو برووبلم

بس طبعاا قبل الساعه 12 :)

[Zαîм Al Mαƒîα ҳҲ]

انا اي يوم ان حاضر وف اي وقت

[da Vinci]

اوكي الحين

خلونا على الجمعة

يالله منو موافق على الجمعة ؟؟؟؟

[Zαîм Al Mαƒîα ҳҲ]

اوكي الحين

خلونا على الجمعة

يالله منو موافق على الجمعة ؟؟؟؟
انا موافق اخوي

[da Vinci]

تسلم زعيم حبيبي على الرد السريع

يالله خلنا ننتظر الباقين يجون

[Mυsтαƒα ★]

حتى انا موافق

ننتظر الباقي

[شمعه تحترق]

كل الايام مو مشكله بالنسبه لي بس اهم شي مايكون عصريه الخميس ولاعصرية الجمعه

يعني لو الجمعه بالليل حلوووو

يعطيكم العافيه

[da Vinci]

حلو

ننتظر الباقين عشان نتفق

[Mistice Girl]

الجمعه بالليل قبل الساعه 12 نووو برووبلم عندي

[شمعه الجلاس]

الجمعه
ماهو مشكله يالله على رأي الأغلبيه

[اسيل]

اممممممممم ادري اني متأخرة بالدخول على الموضوع

بصراحة خوش فكره عجبتني كثير

وبالنسبة لي انا أفضل الايام من السبت الى الأربعاءلاني الخميس والجمعة ماأقدر

لظروف خاصة ولعدم تواجدي في البيت بس شكل الكل يوافقه الجمعة للأسف

اني ماأقدر ....:sad_1:

تحياتي

[وهج السنين]

الجمعه الخميس مش مشكله بس اهم شي مايكون قبل 12 باليل :p

ومشكور اخوي ماقصرت على الجديد الحلو

موفق ان شاءالله

[رُوحْ إِنْسَان~!]

http://www.tvtc.tc/vb/images/islam2/IC126.gif
مَا أَقْدَر الْجُمْعَة
بَس الْخَمِيس
:084:
http://www.tvtc.tc/vb/images/islam2/IC126.gif

[da Vinci]

طيب دام منسق المركز ما يقدر الجمعة اشرايك في يوم الخميس ؟؟؟

يالله عشان اقولكم الوقت

[ضوء القمــــر]

أي يووم خلاص عادي

[Candy]

،








يعطِيكمْ إلعآفيهَ ..

بالنسبَه لِي أي يُوم عآدي بس يُفضل ..
فترة الظهرْ عشآن أضمَن لكمْ توآجدِي أو آخر الليلْ بعَد الـ 12

.. لكم وديْ :icon26: ..,

كآنديْ ..،

[البندري]

فديتكم اي يوم نحن حاظرين والله :o

[da Vinci]

الليلة راح احدد وقت ويوم الاجتماع مع الموضوع اللي راح يطرح للنقاش فية لذلك اللي عندة اي موضوع يبي يناقشة يرسلة لي على الخاص او لأخوي الوجه عشان نرتب لكم الاجتماع قبل وصولكم ..

تحياتي للجميع

[da Vinci]

دام ان اغلبكم ماعنده اي مانع في اي يوم لذلك .. بيكون الإجتماع عبارة عن لقاء عشوائي.
يعني نطرح الموضوع واللي يبي يشارك منكم يجي في اي وقت يبي حيَاه الله.

وسلامتكم.

[da Vinci]

موضوع النقاش هو :

هل هناك طريقة نضع فيها رابط "مركز سيهات للدعاية والاعلان" في نفس البانر اللي نصممة ؟ ؟

لوكان البانر عادي بدون اي فلاش ؟؟

اتفضلوا اخواتي اخواتي .

[Mυsтαƒα ★]

موضوع النقاش هو :

هل هناك طريقة نضع فيها رابط "مركز سيهات للدعاية والاعلان" في نفس البانر اللي نصممة ؟ ؟

لوكان البانر عادي بدون اي فلاش ؟؟

اتفضلوا اخواتي اخواتي .
لا أخوي ما نقدر ولا يوجد طريقه

بس رابط وحد ماتقدر تحط اكثر من رابط في البنر

[da Vinci]

اوكي حبيبي المدمر

راح يكون في طريق ثانية اكيد راح نتكلم فيها قريباَ
مشكور على تواصلك الدائم

[شمعه تحترق]

امم اما اني اكون مافهمت سؤالك ياصوت

أو ان المدمر حصل عنده لبس

اللي فهمته انك تسأل اذا كان ممكن نرفق رابط الموضوع بالبنر

يعني مثلا البنر تبع المركز في توقيعي اضفت له رابط الموضوع وبكذااي شخص يضغط عليه

يوصل مباشره للموضوع ... << هذا قصدك مووو

هذا اللي فهمته
بس اذا قصدك مثل ما ما اشوف في رد المدمر معناها انك تبي تضيف رابط لأكثر من موضوع
اكيد لا

[شمعه الجلاس]

هل هناك طريقة نضع فيها رابط "مركز سيهات للدعاية والاعلان" في نفس البانر اللي نصممة ؟ ؟

لوكان البانر عادي بدون اي فلاش ؟؟


اي نعم اخوي
ممكن ان نحط رابط الموضوع نفسه في البنر,,
بس اظن رابط واحد مانقدر نحط غيره,,,,
و سواء كان فلاش اوعادي ماتفرق,,,

[da Vinci]

اختي شمعة تحترق اللي كنت اقصدة هو اللي رد عليه اخوي المدمر وانا كنت ابي اضيف رابطين في نفس البانر ..

شكراً لك

وشكراً لشمعة الجلاس ..

[تفاحة حواء]

:) يعطيكم العافية جميعا ..

[da Vinci]

الله يعافيش اختي العزيزة تفاحة حواء

[رُوحْ إِنْسَان~!]

بَدَأَ الْإِجْتِمَاع
مَوْضُوع النِّقاش
مَا رَأَيْكُمـ لَو أَصْبَحَ مَعَ كُل بَنَر هَدِيَّة تَوْقِيع وَصُورَة لِمُدَّة قصِيرة..!

[شمعه تحترق]

(-_-) قواك الله خيوو

قصدك يعني انو كل شخص يطلب بنر

نسوي له هديه توقيع وصورة شخصيه ؟؟

[رُوحْ إِنْسَان~!]

ايِه مِثِل مافهَمْتِي
كِذَا رَآح يَكْتِسِب الْمَرْكز شُهْرَة
ماراح الون كالعادة عشان لاضيع وقت الإجتماع

[شمعه تحترق]

طيب شالهدف من الفكره ..؟؟

من خلال عباره في ردك الأخير فهمت شي


كِذَا رَآح يَكْتِسِب الْمَرْكز شُهْرَة



يعني هدفك من الفكره هو توسيع نشاط المركز بتقديمه التواقيع اللي هي تُتعبر مطلب الكثير

امم هي الفكره ذكيه .. بس موحاسه انها ممكن تخدمنا بشكل واسع

لأن مجرد عمل بنر لموضوع أي عضو هذا شي حلو وطيب ويخدم فكرة المركز وهو اكبر مروج لها

(-_-) << والله طلع هالراس موسهل

جد عندك أفكار حلووه .. الله يوفقك ياارب

وننتظر آراء الاخوه والاخوات

واللي يتفقو عليه الجميع إن شالله يصير

[رُوحْ إِنْسَان~!]

إيه كذا الفكرة
بس ماراح نعطيهُم تواقيع بلوشي
لآزم يجوا يطلبوا بنر
أختي شمعة اذا عندكـ فكرهـ شيء تبي تقوليه قولي عشان نتناقش فيه

[شمعه الجلاس]

انا من رأي انها فكره حلووه كثير اخوي (-_-)

يعني بكذا ممكن ان العض يتحمس اكثر,,واذا موضوعه مميز كثير كذا راح يتشجع اكثر واكثر

يعطيك العافيه على هالفكره

[رُوحْ إِنْسَان~!]

ايه هذا الي انا افكر فيه
وافكر بعد ان مو أي عضو يقدر يطلب
لازمـ تكون مشاركاته اكثر من 100
كذا ننفع المنتدى عن طريق المركز

[Mυsтαƒα ★]

أخوي (-_-) فكره حلوه بس انا الان ما اقدر لما اسوي بنر اسوي توقيع Big Grin

بسبب مشغول في تصميم استايل خاص لسيهات بويز:p

[da Vinci]

ايه هذا الي انا افكر فيه
وافكر بعد ان مو أي عضو يقدر يطلب
لازمـ تكون مشاركاته اكثر من 100
كذا ننفع المنتدى عن طريق المركز



انا مو معاك في هاي الفكرة :006:

يعني الأعضاء الجدد مالهم رب .؟ :cray:

[ضوء القمــــر]

أنا معاك يالصوت بعد
أي واحد يطلب عادي
ولا وش قولكم ؟

[Zαîм Al Mαƒîα ҳҲ]

أنا معاك يالصوت بعد
أي واحد يطلب عادي
ولا وش قولكم ؟
عدل اخوي انا معاك

[da Vinci]

الرجل المدمر وين الشغلة اللي قلت لك عليها ؟؟

[da Vinci]

الرجل المدمر وين الشغلة اللي قلت لك عليها ؟؟


تذكير.........:dry:

[سمر الروح]

وين اطلب يسوو لي توقيييييييييييييع؟؟؟

هنا لو فووووووووووووين؟؟

[da Vinci]

روحي المركز خيتي وان شاء الله يسوون لش اللي تبين خيتي سمر

[da Vinci]

الوجه وضوء والرجل المدمر وزعيم المافيا

انتم فقط مطلوبين

في قسم المشرفين للحوار حول نقطه سأضعها في موضوع تحت مسمى لمنسوبي مركز الدعاية والاعلان .

[رُوحْ إِنْسَان~!]

أَنَا مَوْجُود وَحَآضِر فِي أَي وَقت

[da Vinci]

حياك يالله تعالي هنا
http://www.saihat-boys.com/vb/showthread.php?p=432297#post432297

[Mυsтαƒα ★]

السلام عليكم ورحمة الله وبركاته

اخوي الصوت دخلت على الرابط

طلع لي

الرجل المدمر, لا تملك تصريح بدخول هذه الصفحة. قد يكون هذا أحد الأسباب التالية وربما بسبب آخر:


حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة عضو آخر, دخول ميزات إدارية أو نظام متميز آخر؟
إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة.

[da Vinci]

قريباً راح يكون عندك صلاحية لا تستعجل يالمدمر

[da Vinci]

بسم الله الرحمن الرحيم

السلام عليكم ورحمة الله وبركاته


اخباركم ان شاء الله طيبين

المهم في موضوع حبيت اتكلم معاكم فيه بخصوص المركز وبخصوص المسابقات .

اول شي راح اتكلم بخصوص المركز وزي ما قلت لكم من قبل ان من اهداف المركز و الشغلات اللي راح انسويها تنسيق المسابقات وترتيبها من - الى .

لذلك قررنا التالي:


1- اي مسابقة في المنتدى لا بد من ان تكون عن طريق المركز من اساس المسابقة الى نهايتها . ويكون هناك بنر المركز موضوع في اي مسابقة يعني المسابقة تكون مصدقة من مركزنا عشان نعطيهم الدعم بالجوائز والاعلان .البانر هو نفس البانر الموضوع في توقيعي وهو بمثابة ختم اداري وتصديق على المسابقة .

2- الأخ (-_-) هو اكثر شخص له تعامل بالمسابقات في المنتدى لذلك راح يكون هو المسؤول الأول عن المسابقات من حيث

- قبل عمل المسابقة "تنسيق بين صاحب المسابقة ومشرف القسم"
-و اثناء المسابقة "التواصل والتأكد ان المسابقة ماشية حسب المفروض
-وبعد المسابقة" اي عمل الجوائز وتسليمها وتكريم الفائزين".

3- نقل المسابقات من بداية شهر رمضان الى قسم المسابقات وذلك لتسهيل عمليه مشاركة الأعضاء ولستهيل تنقلهم بين المواضيع .

وشكراً .

[شمعه الجلاس]

فكره حلوه
ماشاء الله عليك ماتقصر,,
الله يعطيك ربي ألف عافيه يا 1لصوت ,,

[دمـدم]

يعطيم العافيه على المجهود

عساكم على القوة

[ضوء القمــــر]

عليكم السلام والرحمه
أخوي الصوت أنا باسوي مثل المسابقه اللي صارت العام الماضي في رمضان وأنا كان باقولك بس بنتفاهم عليه قريب أن شاء الله في قسمنا

وأن شاء الله ادا قدرت على شي مابقصر معاكم فيه

بالتوفيق

[وهج السنين]

عساكم على القوه جميع

ويعطيكم الف عافيه المجهود الرائع


موفق اخوي الصوت الجريح

[السيد نزار]

موفق بإذن الله ... لك مني أجمل تحية .

[صمت الورد]

موفقين ..

مشكور اخوي الصوت ..

ربي يعطيك العافيه ..

[mr.sn4]

احنا تحت امرك زعيييييم بأي وقت

[ريحانة سيهات]

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .

[مستهتر]

في أحد كلمني Big Grin لقيت مكالمه لم يرد عليها عفوا تنبيهه لم يرد عليها Big Grin

المهم ماعليكم زوجوا الولد وكل شي راح يصير تمام الزواج نعمه Big Grin << مايدري وش السالفه

على كل حال عساكم على القوه :confused: