> ::| مشرفة قسم النقاش والحوار >> شمعة الجلاس << على كرسي الاعتراف |:: <

[روح]

السلام عليكم ..

هالمره اللي راح تجلس على الكرسي

مشرفة قسم النقاش والحوار

اختي الغاليه

شمعة الجلاس

وحياكم تفضلوا بطرح الاسئله عليها لمدة اسبوع

تحياتي
اختكم روح

[ضوء القمــــر]

هلا وغلا أختي شمعه
باسألك كم سؤال خفيفين :)
1- أسمك ؟ عمرك ؟ هواياتك ؟ حلمك في الحياة ؟
2- هل لديك أقارب في سيهات بويز ؟ أدكريهم ؟
3- مارأيك في منتدى سيهات بويز ؟ هل لديك أفكار لتطويرة ؟
4- مارأيك في ضوء القمر ؟ نصيحه توجهيها لضوء القمر ؟

وبس

موفقه

[البندري]

صباااااااااااح الورد

مين عندنا مضيوف الشمعه بكبرها
يالله حيه ومرحبا

انا عاد سؤال واحد وخفيف ان شاء الله
ايش رايك بالبندري :o

من زمان ماخليت احد يعطيني رايه فيني وجا دورك خيتي

[رُوحْ إِنْسَان~!]

هلآ وغلآ بـ شُمُوع.. http://www.adma1.com/vb/images/smilies/a115.gif


.. سَمْي بآلله ..
.. اتمنى اسألتي تكون خفيفه عليك ..

1- متى تكوني شخيصة حنونة .. ومتى تكوني شخصيه نذله .. ؟

2- إحساسكِ عندما تشعر بأن الشخص الذي أمامك لم يفهمك ؟

3- ماذا تعني لكِ إبتسامة الطفل ؟

4- هواياتكِ والتي تمارسها وقت الفراغ..؟؟

5-شنو يعني لك ][ الحب ][ .. ؟

6-من العضو الي تشوفيه ما يطوف لك موضوع ..؟

7-ما اجمل مرحلة دراسية مرت في حياتك وتتمنى ترجعي لها ..؟

8-شو هي اصعب كلمة ماتقدر تقولها
(( احبك .. اكرهك .. انا آسف .. ما اقدر .. سامحني ))

9-][ حبل الكذب قصير ][ شرايك في هالمقولة ؟؟

10-هل حصل ان اتخذتِ قرار وندمتِ عليه ..؟

11-شعاركِ في هذه الحياة ..؟

12-عضو او عضوه و مشرف او مشرفه متألق ورائع .. ؟

13-شنو فيلم الكرتون المفضل عندك ..؟

14-أجمل بيت شعر قرأته ..؟

15-حين تشعر بالضيق ويركبك هم الدنيا وتغلق الابواب في وجهك .. فأي الاماكن ترتاد ..؟

16-هل تؤمني بفكرة الصديق الحقيقي وهل مازال موجوداً في هذا الزمان ..؟

17-ماهو اكثر شيء مدهش في بني البشر ..؟

18-ما هو الكتاب الذي قراته فاعجبك لدرجة انك اعدت قراءته اكثر من مرة ؟؟

19- شنو رايك فيني بكل صراحة .. وشنو الصفة الا فيني ما تعجبك .. وشنو الصفه الا فيني وتعجبك ..

22_لو تسمع بخبر وفاتي وش راح يكون موقفكِ؟

23_وفي نفس الوقت وش راح تكون امنيتكِ بهاللحظه؟

24_ماذا تعني لكِ الصداقة؟

25_من هو كاتم أسراركِ؟




26_لمين تضحكي وانتي تبكي؟



27_ماهي عادتك السيئة وعادتك الممتازة؟


28_من الي
بخاطرش تشكريه؟


29_مامثلك الأعلى؟


30_من الشخص الي تقدري تبكي تحته بدون خوف او خجل؟


31_تتمني ترجع طفلة صغيرة؟


32_احلى خبر سمعتيه؟



.. وبـــس ..

[da Vinci]

شموع شخبارش

اشرايش في قسم الحوار واين تجدين نفسك في المنتدى ؟

اشرايش لو خليناش تقترحين مشرف على قسم الحوار منو راح ترشحين ؟

لو قلنا ان 1لصوت1لجريح فيه عيوب شنو العيوب اللي راح تذكرينها ؟

اشرايش فيني ؟ ها :confused:


يالله مابي اطول عليش شموع .. تمنياتي لك بالتوفيق والنجاح دنيا وآخرة

[اسيل]

هلا وغلا بشمعة الجلاس على كرسي الاعتراف

الله يعينك على الأسئلة

انتظري اسئلتي لي عووووده

تحياتي

[الدانه]

هلاااااااااوي شمعتي


كيفك


انشااء الله الاسئله خفيفه


لو خيروك العوده الى الماضي الى ماذا تعودين?? وماذا تفعلين?? ولماذا??
كم مره خضتي تجربة الحب??

شنو رأيك بالزواج التقليدي من غير حب??

شنو رأيك بالحب المستحيل??

من برأيك يستحق التضحيه الحب اما الحبيب??

شو تردي على الي يجرحك بكلمه??

من هو او هي بئر اسرارك??


اختاري اربعة اعضاء وقوليلهم الي بقلبك??

لونك المفضل??

اغنيتك المفضله??

مطربك المفضل??

هواياتك??

شنو رأيك بالتالي:;:;

بعد المسافه??

بعد القلوب??

الفراق??

الدنيا??

الوحده??

الظلمه??

النهار??

الليل??

اعز ناسك بهالدنيا من هم??

لمن تهدين:;:;

اشتاقيت??

احبك??

وداعا??

منك لله??

الف شكر??

ان زعلت برضيك وكل عمري فداك??

بدون مجامله وبصراحه مطلقه شنو رأيك بالدانه ??


لي عووده

[شمعه الجلاس]

اممم
الله يعين:biggrin:

هلا وغلا أختي شمعه
ياهلا فيك اخوي ضوء القمر
الله يحييك
باسألك كم سؤال خفيفين

1- أسمك ؟ عمرك ؟ هواياتك ؟ حلمك في الحياة ؟
ماريه,, 19 سنه وكلها 24 يوم وبدخل 20>> العمر كله ههه
هوايتي:اممم ماعندي شيء معين,بس احب اسافر,,وألعب في العاب الذكاء:biggrin:
حلمي في الحياه: اني اتوفق بدراستي لان مابقى لي الا سنه وان شاء الله اكمل
وأكون زوجه مطيعه وام صالحه لعيالي في المستقبل,,

2- هل لديك أقارب في سيهات بويز ؟ أدكريهم ؟
لا,,

3- مارأيك في منتدى سيهات بويز ؟ هل لديك أفكار لتطويرة ؟
منتدى ناجح جداً وماشاء الله الاعظاء مو مقصرين,,ماعندي اي افكار حاليا

4- مارأيك في ضوء القمر ؟ نصيحه توجهيها لضوء القمر ؟
يستحق لقب ((نبض المنتدى))إنسان ماشاء الله علي,,مجتهد كثير,,ولك فضل كبيييير على المنتدى,,طيوب وحبوب بالنسبه للكل,,,
امم,,,نصيحه>>للأمام دوماً,,,

يعطيك العافيه اخوي ضوء على الطله الحلوه

[شمعه الجلاس]

صباااااااااااح الورد

مين عندنا مضيوف الشمعه بكبرها
يالله حيه ومرحبا

انا عاد سؤال واحد وخفيف ان شاء الله
ايش رايك بالبندري
الله حيهم يالغلا
بنت شقول عنها,,,والله انك الغلا كله,,
طيبه باخلاقك وحكيمه بأفعالك,,
دخلتي القلب من شفتك بالمنتدى,,,
بس,,بصراحه كنت ماخذه عنك فكره من حيويتك الي بالمنتدى انك جريئه ومن اشوفك
شيء طبيعي بنتفق,,وكنت مشتااقه اني اشوفك
بس لقييييتك خجووووووله وبقووووو,,,حتى بخطوبه princess ماجيتي جنبنا ههه
قلت لا مابروح لها شكلها تستحي,,
بس والله من شفتك دخلتي قلبي على طوول,
>>>سويت قضيه ادري


من زمان ماخليت احد يعطيني رايه فيني وجا دورك خيتي


مشكوره يالغلا على المرور

[شمعه الجلاس]

هلآ وغلآ بـ شُمُوع..


.. سَمْي بآلله ..
بسم الله الرحمن الرحيم
.. اتمنى اسألتي تكون خفيفه عليك ..
شكلها تقول لا>>>>ههههه

1- متى تكوني شخيصة حنونة .. ومتى تكوني شخصيه نذله .. ؟
حنونه بالمواقف الصعبه ((بالافراح وبالاحزان)) وهم مع كل شخص معاي حنون
وشخصيه نذله اذا شفت الشخص الي اعرفه انه ممكن يلعب بعدين يلعب معاي على الحبلين وانا ماعطي احد فرصه,,,فأكيد شخصيتي نذله من البدايه,,وهم مع الشخص النذل,,,لاني اؤمن بها العباره((عامل الناس كما يعاملوك)) ما أحب اعامل احد اقل مني ابداااا


2- إحساسكِ عندما تشعر بأن الشخص الذي أمامك لم يفهمك ؟
احساسي :wink:,,لان ماعندي اي استعداد اني افهمه مرة ثانيه,,,

3- ماذا تعني لكِ إبتسامة الطفل ؟
برائه,,

4- هواياتكِ والتي تمارسها وقت الفراغ..؟؟
هواياتي,,ماعندي شيء معين,,بس ذكرت قبل اني احب اسافر مع اني ما اسافر واااجد
واللي امارسها وقت الفراغ العب في العاب ذكاء اسمها(okey) لعبه ممتعه جداً

5-شنو يعني لك ][ الحب ][ .. ؟
أحساس حلوو,,,حياتك مرتبطه بشخص آخر,,,في تشارك بين الحلوه والمره,,,,
ولكن الآن مايعني لي ولا شيء,,

6-من العضو الي تشوفيه ما يطوف لك موضوع ..؟
بصراحه ما لاحظتك هالشيء,,,وما اذكر
>>>ومابي اخرف من عندي

7-ما اجمل مرحلة دراسية مرت في حياتك وتتمنى ترجعي لها ..؟
ثالث متوسط &ثاني ثانوي,,
شهر واحد فقط من سنه ثالث ثانوي
>>>ادري كل السنوات قلتهم

8-شو هي اصعب كلمة ماتقدر تقولها
(( احبك .. اكرهك .. انا آسف .. ما اقدر .. سامحني ))
ما أقدر

9-][ حبل الكذب قصير ][ شرايك في هالمقولة ؟؟
صحيحه 100%

10-هل حصل ان اتخذتِ قرار وندمتِ عليه ..؟
نعم,,
لحد الآن وانا ندمااانه بس البعض يقول هالشيء راح يتصلح وراح تسحبين الندم

11-شعاركِ في هذه الحياة ..؟
,,,,,,,,

12-عضو او عضوه و مشرف او مشرفه متألق ورائع .. ؟
1 لصوت 1لجريح
ملاك الحزن
ضوء القمر

13-شنو فيلم الكرتون المفضل عندك ..؟
توم وجيري>>>وانا الحين اشاهده:laugh:

14-أجمل بيت شعر قرأته ..؟
اللي باعك واللي خانك لاتخليه في حياتك,,مايهمك طول همك مهما درب الحب يجيبك

15-حين تشعر بالضيق ويركبك هم الدنيا وتغلق الابواب في وجهك .. فأي الاماكن ترتاد ..؟
غرفتي

16-هل تؤمني بفكرة الصديق الحقيقي وهل مازال موجوداً في هذا الزمان ..؟
نعم اؤمن,,
والدليل ان اصدقائي من اول ابتدائي ولحد الآن,,

17-ماهو اكثر شيء مدهش في بني البشر ..؟
مشاكلهم,,,ونسيانهم للعادات والتقاليد
فعلا هالشيء يدهشني

18-ما هو الكتاب الذي قراته فاعجبك لدرجة انك اعدت قراءته اكثر من مرة ؟؟
ما احب اقرأ كثير,,
بس قريت كتاب((دموع في ليله الزفاف)) مرتين

19- شنو رايك فيني بكل صراحة .. وشنو الصفة الا فيني ما تعجبك .. وشنو الصفه الا فيني وتعجبك ..
بصراحه انا ماعرفك كثير,,
بس اللي اشوفه انك ولد حبوب بالنسبه للكل,,,
وماشفت فيك اي عيوب


22_لو تسمع بخبر وفاتي وش راح يكون موقفكِ؟
وش هالتفاؤل:sad_1:
الله لا يجيبك هاليوم ان شاء الله,,وتوك ببدايه عمرك,,
الله يخليك لاهلك واحبابك
,,,بس اكيد راح اترحم عليك ومابنساااااك

23_وفي نفس الوقت وش راح تكون امنيتكِ بهاللحظه؟
اتمنى اني ماسمعت هالخبر

24_ماذا تعني لكِ الصداقة؟
جزء من سعادتي

25_من هو كاتم أسراركِ؟
صاحبتي,,,بالدراسه


26_لمين تضحكي وانتي تبكي؟
ولا احد
بس مرة صادفت اني بكيت وجنبي صاحبتي بالدراسه وضحكت لها,,

27_ماهي عادتك السيئة وعادتك الممتازة؟
عنيده ومغروره شوي,,وما أظهر اللي بداخلي,,
والممتازه,,قلبي طيب,,,وحبوبه
>>>وااجد مدح نفسي


28_من الي
بخاطرش تشكريه؟
بابا &ماما,,,

29_مامثلك الأعلى؟
بابا

30_من الشخص الي تقدري تبكي تحته بدون خوف او خجل؟
ولا أحد,,
لان ماحب ابكي قدام احد

31_تتمني ترجع طفلة صغيرة؟
ياليييت,,
بدل همومنا هاااذي

32_احلى خبر سمعتيه؟
اممم,,أخبار كثيره
بس احلاهم قبل شهر سمعت ان من بابا احتمال اخوي اللي بأمريكا ينزل يحضر زواج اخوي الكبير:lol2:

.. وبـــس ..


تعبت بالكتابه بس الاسئله حلووه
يعطيك العافيه اخوي

[شمعه الجلاس]

شموع شخبارش
زوينه,,,عايشين بها الدنيا

اشرايش في قسم الحوار واين تجدين نفسك في المنتدى ؟
قسم ممتع جدا وحلوو& ناجح,,يقدر الشخص من خلاله يعبر عن آرائه وبكل حريه مطلقه,,وبدون اي خلافات
والحمد لله القسم ناجح,,,بس لولا ان الاعظاء هالايام احس ببعض الاقسام برود لان الاختبارات قربت,,
ولولا القسم مو عاجبني كاااان ما اجتهد فيه وكل وقتي فيه,,,وقبلت اني اكون مشرفه وياك,,

شلون اجد نفسي يعني,,؟؟

اشرايش لو خليناش تقترحين مشرف على قسم الحوار منو راح ترشحين ؟
بكل صراحه,,,
ولا أحد
>>> انانيه مابي احد يكون بالقسم,,,


لو قلنا ان 1لصوت1لجريح فيه عيوب شنو العيوب اللي راح تذكرينها ؟
مافيك أي عيوووب لحد الآن,,
انا مالقيت منك إلا كل خير,,,,
بس احسك شوي جدَي

اشرايش فيني ؟ ها
اوووووووووه,,
يبي لي ورقه وقلم اعبر,,:D
لاتعليق,,
كل صفات الحلووه فيك,,
انسان طموح ,,مثقف,,مجتهد,,يحب الخير للكل,,ماتقصر ولا بأي شيء,,
واعلن هالشيء,,,لولا وجودك وياي بالقسم وانك انت قلت انب مرشحه للإشراف,,ترى ماكنت بقبل فيه,,يعني بالمختصر لو من غيرك رفضت هالشيء,,:)

يالله مابي اطول عليش شموع .. تمنياتي لك بالتوفيق والنجاح دنيا وآخرة
ولو,,اخوي حيااااااك بأي وقت,,,
مشكووور,,,وبالتوفيق للجمييييييييييييع

طلتك,,اشرحت صدري

[شمعه الجلاس]

هلا وغلا بشمعة الجلاس على كرسي الاعتراف
ياهلا فيك يالغلا اسووووووول

الله يعينك على الأسئلة

انتظري اسئلتي لي عووووده

انتظر عودتك,,
شرفتي
تحياتي


يعطيك العافيه يالغلا

[شمعه الجلاس]

هلاااااااااوي شمعتي
هلااااوي فيك دندونه

كيفك

زوينه
انشااء الله الاسئله خفيفه


لو خيروك العوده الى الماضي الى ماذا تعودين?? وماذا تفعلين?? ولماذا??
إلى دقيقه وحده,,لاني اتخذت قرار ولحد الآن ندمانه عليه
احاول اني اسحب كلام طلع مني,,,
اممم,,,احس بها الشيء انا انجرحت شوي,,

كم مره خضتي تجربة الحب??
مرة بس,,

شنو رأيك بالزواج التقليدي من غير حب??
اؤمن فيه,,,,
ولكن يبي له تفاهم قوي بفتره الخطوبه قبل الزواج,,,

شنو رأيك بالحب المستحيل??
امم,,قصدك يعني ان اللي يحب وعارف ان حبه مستحيل ولا شلون,,
بس لو كان كذا,,,فهو يكون اكبر غلطان,,

من برأيك يستحق التضحيه الحب اما الحبيب??
اضحي بالحب,,,بس ما اضحي بحبيبي,,
الحب يروح ويجي,,,وحتى مع العشره ينولد
ولكن الحبيب اذا فقدته ماراح الاقي مثله

شو تردي على الي يجرحك بكلمه??
بعشر مثلها

من هو او هي بئر اسرارك??
جاوبت علي هالسؤال
هي صاحبتي بالدراسه


اختاري اربعة اعضاء وقوليلهم الي بقلبك??
1لصوت 1لجريح: القسم بدونك مظلم,,,,ياليت ماتغيب عنه ابدا
ضوء القمر: للأمام,,,والمنتدى محتاج لك لاتحاول تتركه ولا يوم
ملاك الحزن: مبدعه دااائما ,,واصلي ابداعاتك
دلع البنات: بنت شكلها كوووول ودخلت قلبي,,,الله يوفقك ان شاء الله,,,

لونك المفضل??
الاخضر

اغنيتك المفضله??
اغلى حبيبه& وحشتيني

مطربك المفضل??
راشد &تامر

هواياتك??
مليت وانا ارد علي هالسؤال
اسمحي لي يالغلا
>>>>جاوبت مرتين فوق

شنو رأيك بالتالي:;:;

بعد المسافه??
تاثير بسيط بس,,عمر المسافه ماكان لها اي اهتمام لي,,,
اهم شيء القلوووب عند بعضها ,,,

بعد القلوب??
مدري,,,ماكو احد قلبي بعيد عن قلبه وله حب بداخلي,,,على اساس احس بها البعد

الفراق??
:cray:

الدنيا??
غداره

الوحده??
قاتله

الظلمه??
رااااااااحه

النهار??
ولا شيء

الليل??
احلى شيء,,,للنوم

اعز ناسك بهالدنيا من هم??
بابا &ماما,,اخواني واختي
صاحبتاي(( حور & لولو))
والبعض من اهلي,,,,

لمن تهدين:;:;

اشتاقيت??
حمود اخوي

احبك??
لكل من يحبني

وداعا??
للماضي

منك لله??

للظالم

الف شكر??
لله,,عز وجل

ان زعلت برضيك وكل عمري فداك??
للحبيب في المستقبل,,,
اما الآن ولا احد

بدون مجامله وبصراحه مطلقه شنو رأيك بالدانه ??
امم,,
انا مابي اتكلم كثير عن رأي بالاعظاء لان ماعرفهم عددل
بس انا سمعت انك بنت حيويه,,وحبوبه,,
وماشاء الله عليك مبدعه بقسمك..وانا يعجبني هالقسم ولكن,,,>>>مافي تفاعل بموضوع من سيربح الوسااام...
واصلي ابداعك,,,
والله يوفقك


لي عووده
الله يحييك بأي وقت



اسئله:icon30:
نورتينا يالغلا,,
لاتحرمينا من هالطله
يعطيك العافيه

[princess]

اوووووووه حبيبه قلبي عالكرسي :bleh:

عساك مرتاحه يالغلا .. تبين شاي قهوه :harhar1:


دام انتي على الكرسي جهزي نفسك للاسئله .. راح اسهر واكتبهم :biggrin:

وان ماجاوبتي عليهم كلهم راح اجي بيتكم واشدخك :ranting:

[da Vinci]

اجابات ولا اروع من اختي الغاليه شموعة ويالله بشويش عليها الزميله لا تحرجونها وايد.... بس شوي ;)

[شمعه الجلاس]

اوووووووه حبيبه قلبي عالكرسي

عساك مرتاحه يالغلا .. تبين شاي قهوه


دام انتي على الكرسي جهزي نفسك للاسئله .. راح اسهر واكتبهم

وان ماجاوبتي عليهم كلهم راح اجي بيتكم واشدخك


مرتاااااااحه عالي العال
عااااادي جداَ
حياااك بالاسئله بأي وقت>>> بس لا تكثرين,,لانك عارفتني زيييين هههه
بتجين تشدخيني ها,,,>>>احلامك :p

[شمعه الجلاس]

اجابات ولا اروع من اختي الغاليه شموعة ويالله بشويش عليها الزميله لا تحرجونها وايد.... بس شوي

مشكوور خيووو العزيز...
احم احم>>> في من يدااااافع عني,,,:005:
مو انتي ياprincess على قولتك بتشدخيني((تضربيني)):bleh:

[الدانه]

رجعت مرره ثاانيه



بماا انك جربتي الحب ؟؟؟؟ ماازل موجود ولاا


و
يُـقالُ بأنّ : الحبَّ الأولَ لا يُنســـــى! كيف وجودهُ معك َ؟

معلوم لدى الكل .. أن لكل شخص نقطة قوة و نقطة ضعف ..

ماهي نقطة ضعف شمعه الجلاس ؟؟



ما هو مفهوم السعادة لدى شمعه الجلاس ؟؟


الغدر و الخيانة .. الريــادة و قوة الإدارة ..

هذه أربع كلمات .. ماذا تعني لشمعه..؟؟





مار أيك في الأقوال التالية :

الإبداع يولد من رحم المعاناة؟

عشرات الكتاب تهزمهم الظروف وتنتصر عليهم المواجع ؟؟

إن مؤلفات الكاتب ماهي إلا انعكاس لعذاباته وأوجاعه ؟؟؟

يقولون أن لكل شاعر ملهمه !
ربما تكون أنسيه أو جنيـّه وربما خياليه ؟
وكذلك الشاعره !




متى تضطرين إلى الكذب ؟

متى تتمني العودهـ للطفولهـ ؟



مآهي طموحآتكـ في الحيآهـ وأيهمآ أصعب لديكـ دموع اليتيم المحتآج أم خيآنهـ الصديق ؟



أنسبي الكلمآت التآليهـ لأحد الأعضآء ( محبهـ ، رقهـ ، خشونهـ ، مرح ، غرآبهـ ، إثآرهـ ، جدل ، ثرثرهـ ، غضب ، غموض ، قهر ، لآ مبآلآهـ)...؟



من وجهة نظرك ماهو الفرق بين الفيلسوف و المثقف ؟



ليس من السهل ان نجد السعادة في داخلنا
لكنه من المستحيل ان نجدها في أي مكان آخر

آجنس ريبلير



كيف نستطيع ان نجد السعادة فعلا في انفسنا فقط؟
وهل ماقاله صحيح برأيكِ ..؟




تخيلى العالم يصغي إليكـ بهذة اللحظة , ماذا ستقولى ؟؟



متى يحين لكـ وقت الانعزال عن نفسكـ تماما ؟؟



كيف ستتعاملى مع من خذل إحساسكـ ؟



متى قلتى ,,, اه منك يادنيا !! ما ترحمين !! ؟؟




أي يقطن الخير ؟ وهل للشر مكان !!؟


ماهي أقبح أنواع النسيان في نظركـ ؟


نصيحه تعطيني اياها


- شنو تتمني شمعه الجلاس بهذي اللحظه ( يعني باللحظه الي تقرين فيها السؤال ) <<<<<<<<<< اكيد تقتل الدانه من كثر الاسئله




وسوري ع الاسئله


بااااايووووز :097: وبلاا رجعه مره ثانيه

[شمعه الجلاس]

بماا انك جربتي الحب ؟؟؟؟ ماازل موجود ولاا
لا,,,ماهو موجود

و
يُـقالُ بأنّ : الحبَّ الأولَ لا يُنســـــى! كيف وجودهُ معك َ؟
من يقول ان ماينسى,,,
اذا كانت الحب الاول ممكن فيه خيانه او غدر,,او ظروف,,,اكيد راح ينسى
وانا نسيته وبكل روح رياااااضيه بعد,,

معلوم لدى الكل .. أن لكل شخص نقطة قوة و نقطة ضعف ..

ماهي نقطة ضعف شمعه الجلاس ؟؟
سماع الاخبار السيئه,,أكون ولا شيء,,
اممم,,ماعندي نقطه ضعف,,,انا صريحه,,احب المواجهه,,ابكي,اضحك,,كل شيء عندي عاادي



ما هو مفهوم السعادة لدى شمعه الجلاس ؟؟

امممممممم
عندي السعاده فوق كل شيء,,,
بكل المواقف احب اني اكون سعيده وما اتعس نفسي,,
(( جزء من حياتي))


الغدر و الخيانة .. الريــادة و قوة الإدارة ..

هذه أربع كلمات .. ماذا تعني لشمعه..؟؟
الغدر,,>>>ولا شيء,,
الخيانه,,>>>تحطيم بالنسبه لي ولكن,,,نسيانها اكييد
الرياده,,>>>..!!!
قوه الإراده,,,>>>عزم وإصرار,,طبعا تعني لي كثيير,,عندي قوه اراده واحاول ان مايهزني اي شيء حتى بأتفه الاسباب




مار أيك في الأقوال التالية :

الإبداع يولد من رحم المعاناة؟
قول صحيح

عشرات الكتاب تهزمهم الظروف وتنتصر عليهم المواجع ؟؟
ماهو صحيح,,,الكتاب عندهم قوه اصرار وإراده قويه ماعتقد ان تنتصر عليهم المواجع,,

إن مؤلفات الكاتب ماهي إلا انعكاس لعذاباته وأوجاعه ؟؟؟
لبعض الكتاب,,,فعلا قول صحيح

يقولون أن لكل شاعر ملهمه !
ربما تكون أنسيه أو جنيـّه وربما خياليه ؟
وكذلك الشاعره !
نعم,,
الشاعر او الشاعره ما ينطقه إلا انه الهام من داخله,,


متى تضطرين إلى الكذب ؟
والله,,,اذا لقيت ان ممكن احد الاشخاص ياخذ فكره سيئه عني,,وياثر على مستقبلي ونوعا ما تنهدم حياتي>>>حصل هالشي مرة واذكر كل شيء بتفااااصيله
بس اكثر شيء اذا ابي اطلع احد الاشخاص اللي اعرفهم من مأزق...اضطر

متى تتمني العودهـ للطفولهـ ؟
يااااريت الحييين


مآهي طموحآتكـ في الحيآهـ وأيهمآ أصعب لديكـ دموع اليتيم المحتآج أم خيآنهـ الصديق ؟
طموحاتي ذكرتهم قبل
الاصعب اكييد دموع اليتيم,,
اما خيانه الصديق,,,يخون بكيفه اهم شيء اكون انا صادقه بمعاملتي واسلوبي كويس,,وهذا يكفيني



أنسبي الكلمآت التآليهـ لأحد الأعضآء ( محبهـ ، رقهـ ، خشونهـ ، مرح ، غرآبهـ ، إثآرهـ ، جدل ، ثرثرهـ ، غضب ، غموض ، قهر ، لآ مبآلآهـ)...؟
دلع البنات& الدانه: محبه
bebe: رقه
تفاحه حواء: خشونه نوعا ما
البندري: مرح
كاتمه الاحزان & ملاك الحزن& ضوء القمر : إثاره
غرابه,,جدل,غموض,لا مبالاه,,ثرثره ,,غضب,,قهر>>> ولا احد


من وجهة نظرك ماهو الفرق بين الفيلسوف و المثقف ؟
اممم
الفيلسوف اللي يتكلم وواثق من نفسه وبالنهايه ممكن مايلاقي استجواب من غيره,,,
اما المثقف,,محكم بعقله ورزانته وقليل في كلماته,,,ذكي



ليس من السهل ان نجد السعادة في داخلنا
لكنه من المستحيل ان نجدها في أي مكان آخر

آجنس ريبلير

كيف نستطيع ان نجد السعادة فعلا في انفسنا فقط؟
فقط في انفسنا لا,,,السعاده بالداخل والخارج,,حتى لو اسعدنا انفسنا هم في سبب من الخارج ولد هذه السعاااده
وهل ماقاله صحيح برأيكِ ..؟
لا,,
ممكن ان نجد السعاده بداخلنا وان ما انوجدت,,
بإستطاعتنا نولدها,,,


تخيلى العالم يصغي إليكـ بهذة اللحظة , ماذا ستقولى ؟؟
:D مدري
بس ممكن اني اقدم كلمه شكر,,اعتذار,,
امنيتي,,
طموحي,,


متى يحين لكـ وقت الانعزال عن نفسكـ تماما ؟؟
انعزل عن نفسي,,,ماراح يحصل,,

كيف ستتعاملى مع من خذل إحساسكـ ؟
بصراحه,,,
أقل معامله,,,معامله سيئه جداَ ماهو لاني لقيت منه شيء,,
هاذي رده فعل بداخلي,,,


متى قلتى ,,, اه منك يادنيا !! ما ترحمين !! ؟؟
امس,,,


أي يقطن الخير ؟ وهل للشر مكان !!؟
في نفوس البشر,,,
اكييد الشر له مكان,,,


ماهي أقبح أنواع النسيان في نظركـ ؟
اقبح,,,؟؟؟
ان تنسى اخوانك,,اصحابك,,احبابك,,
وانت مالقيت منهم الا كل خير,,
>>>> مثل مافهمتك جاوبت


نصيحه تعطيني اياها
امم
والله ياخيتوو,,
واصلي لتصلي الى القمه في حياتك ولتنالي الاجر في اخرتك,, والله يوفقك في حياتك ان شاء الله
..>> مدري:D


- شنو تتمني شمعه الجلاس بهذي اللحظه ( يعني باللحظه الي تقرين فيها السؤال ) <<<<<<<<<< اكيد تقتل الدانه من كثر الاسئله

شدعوه لييه اقتلك,,
هاذي الامنيه خاااااااصه جداَ..>>>:)

وسوري ع الاسئله
بااااايووووز وبلاا رجعه مره ثانيه

حيااااك>>>>;)



مشكور خيتوو

[البندري]

يابعدي والله ياشموع تسلمين لي والله
اييي انا استحي مرة بعد شفتك في مكان ومتردده انتي ولا لا اخاف اسلم وتطلعين مو انتي وايصير وجهي قد النمله بعدين
بس بعدين عرفت انت انتي بس بعد ماطلعتي احم احم من الأخبار السريه :cool:

ويالله ارتاحي لك بالكرسي كم يوم

[شمعه الجلاس]

يابعدي والله ياشموع تسلمين لي والله
اييي انا استحي مرة بعد شفتك في مكان ومتردده انتي ولا لا اخاف اسلم وتطلعين مو انتي وايصير وجهي قد النمله بعدين
بس بعدين عرفت انت انتي بس بعد ماطلعتي احم احم من الأخبار السريه

البندري,,
:eek: وين شفتيني,,,
>>>خلاص انا زعلات لانك ماجيتي سلمتي علي:confused:

[ČЯẤŽЎ ㋡]

ولكم شموووع منورة الكرسي والله

اليوم الاربعاء مافيه حجة ابي اسأل وآخذ راحتي استحمليني

1/ لو ماتخصصتي في مجالك اللي الحين وش كانت امنيتك تتخصصين غيره ؟

2/ كم عدد افراد اسرتك وما ترتيبك ؟

3/ من اقرب إنسان لك في الحياة ؟

4/ هل وصفتي بالغرور واذا الاجابة ايه من وصفك وليش ومتى ؟

5/ أحب مخلوق ( كائن حي ) غير الانسان وشو ؟

6/ لو قلت لك غيري اسم سيهات بويز وش بتختارين ؟

7/ لو اتيحت لك الفرصة لتغيير الاسم المستعار لاحد اعضاء المنتدى من بيكون ووشو النك اللي تختارينه ؟

8/ من من الاعضاء تتابعين مواضيعه وتدخلين واضيعه حتى ولو لم يعجبك عنوان الموضوع ؟

9/ لو في يوم من الايام خانك التعبير وغلطتي على انسان عزيز وغالي كيف راح تعتذرين ؟

10/ وردة واحدة تهدينها لاغلى عضو من راح يكون ؟

11/ مارأيك بالمقولة ( فاقد الشئ لا يعطيه ) ؟

12/ ماهي مواصفات فارس الاحلام ( شريك الحياة ) ؟

13/ مثل وليس حكمة دائما ترددها شمعة ؟

14/ كاتب تقرأ له شموعة ؟

15/ أحب ستايل من ستايلات سيهات بويز الاحب والاقرب الي قلبك ؟



16/ من هو الذي ... أمزح خلاص عاد


والله يعينك على اسألتي وان شاء الله ماتعطلك




واشكرك مقدماً ع الاجابة ولو فيه سؤال على بالي لي عودة بكل تأكيد :)

[شمعه الجلاس]

اسئله حلوووه

انا بقوم انام
ولي عوده إن شاء الله إن الله أحياني
بالإجابه,,

نورتي يالغلا كله,,,

[البندري]

شموعه لاتزعلين بس خفت تطلعين مب انتي
شفتك في مكان مكااااااااااااان :p
امزح شفتك في مركز افتتاح بردان :cool:

[شمعه الجلاس]

اووووووووه
يوم الافتتاح,,,>> طبعا لازم اكون موجوده,,,,:d
حسااااااااافه,,,


يالله خيرها بغيرها,,,

[شمعه الجلاس]

ولكم شموووع منورة الكرسي والله
يوجودك ياقلبي,,,

اليوم الاربعاء مافيه حجة ابي اسأل وآخذ راحتي استحمليني

1/ لو ماتخصصتي في مجالك اللي الحين وش كانت امنيتك تتخصصين غيره ؟
ماليه ولقيت التخصص بجامعه الأمير محمد,,
او
محاسبه ,,سجلت وقبلوني بجامعه الفيصل,,,
بس اخترت مجالي هذا:icon30:

2/ كم عدد افراد اسرتك وما ترتيبك ؟
5,,ثلاث اولاد وبنتين
وماما& بابا
انا الرابعه بينهم

3/ من اقرب إنسان لك في الحياة ؟
أمي

4/ هل وصفتي بالغرور واذا الاجابة ايه من وصفك وليش ومتى ؟
كثير وصفوني بالغرور,,,ولي مواقف كثيره
بس اكثرشيء اذكره,,
لما كنت بالمتوسطه,,,كانو وياي بنت عمتي وبنت عمي بس اكبر مني بسنه,,
وأنا من النوع اني ما ابتسم بوجه أي احد,,وخصوصا اللي ماعرفه,,
مع انهم يعرفوني زين,,بس كان عندي شيء وبجد بنت عمي غيرانه منه,,
فرة رحت اكلمها قالت لي روحي انتي يالمغروره,,,انا ماحز بنفسي ولا شيء,,,>>طنشت خخخخ

5/ أحب مخلوق ( كائن حي ) غير الانسان وشو ؟
البط >>>بس اخاف امسكهم خخخخخخ

6/ لو قلت لك غيري اسم سيهات بويز وش بتختارين ؟
اممم,,
مثل اسم المدير
www.hahs2002.com
لان هو صاحب المنتدى وله فضل كبير عليه,,

7/ لو اتيحت لك الفرصة لتغيير الاسم المستعار لاحد اعضاء المنتدى من بيكون ووشو النك اللي تختارينه ؟
ما ببالي أحد,,
بس انا افكر اني ارجع اسمي مثل قبل((همسه صمت))>>> بس ماينفع لان الكل الحين عرفني بهذا الاسم

8/ من من الاعضاء تتابعين مواضيعه وتدخلين واضيعه حتى ولو لم يعجبك عنوان الموضوع ؟
انا ما اتابع كثير بس اللي دايم احب اتابع هو 1لصوت 1لجريح & ملاك الحزن

9/ لو في يوم من الايام خانك التعبير وغلطتي على انسان عزيز وغالي كيف راح تعتذرين ؟
إذا غالي غالي وكثيير على القلب,,,بقدم له كل وسائل الطرق للإعتذار مع اني ما احب اعتذر لاحد,,

10/ وردة واحدة تهدينها لاغلى عضو من راح يكون ؟
princess

11/ مارأيك بالمقولة ( فاقد الشئ لا يعطيه ) ؟
صحيحه,,,

12/ ماهي مواصفات فارس الاحلام ( شريك الحياة ) ؟
اخلاق عاليه,,محبوب بين الناس والكل يقدره,,,دين,,وسيم,,طويل وعريض شوي >>>مابي معصقل خخخخ,,وهم حلووو

13/ مثل وليس حكمة دائما ترددها شمعة ؟
الصبر مفتاح الفرج
بس مو دااايم
ليش كل مايتمناه المرء يدركه

14/ كاتب تقرأ له شموعة ؟
ما أحب أقرأ واااجد,,,لان بجد ماكوو وقت

15/ أحب ستايل من ستايلات سيهات بويز الاحب والاقرب الي قلبك ؟
عام من الإبداع والتميز,,


16/ من هو الذي ... أمزح خلاص عاد
عرفت قصدك,,من هو الذي>>>بس هالشيء خاااااااااااااص كثير

والله يعينك على اسألتي وان شاء الله ماتعطلك
بالعكس استمتعت ويكفي ان منك,,,



واشكرك مقدماً ع الاجابة ولو فيه سؤال على بالي لي عودة بكل تأكيد
ياهلا والله فيك,,,شرفيني بإي وقت

يعطيك ربي الف عافيه
يالغلا
على المرور
وحيااااااك بأي وقت

[aocci]

نورتي الكرسي يالغلا

إنشاءالله مرتاحة فيه

أخبارك ؟ وش مسوية ؟ والدراسة ؟ و و و و ............إلخ

أمممممممممم

الحب من أول نظرة.......تؤمنين به ؟

شمعنى الصداقة من وجهة نظرك ..... وهل في فرق بين لما تقولي صديق ولما تقولي صاحب ؟

ايهما تحكم في قرارتك القلب أم العقل ؟

شرايك بـــــــ"aocci2"؟ ؟ ؟ ؟

وبـــــــــس

وإنشاءالله ماتكون أسئلتي ثقيلة

تحيات

[..حور..]

مرحبا بكِ شمعه
1-ما هي نظرتكِ للحياةِ؟

2-من أقرب انسان إلى قلبكِ؟

3-صفي نفسكِ بثلاث كلمات؟

4- ماذا تعني لكِ تلك المشاهد؟ :-

الغروب...

المطر...

الطيور المحلقة...

القمر..

الدموع..

الصراخ..

5-أين تجدي السعادة الحقيقية؟

6-هل أحسستي يوماً بأن الغموض كان عنواناً لك؟

7- عندما تشاركي في موضوع.. على أي مبدأ قررتي المشاركة, عنوان الموضوع أم صاحب الموضوع؟

8- أي وردة تفضلي.. البيضاء, الحمراء أم الصفراء ولماذا؟

9- هل تحبي الرياضة؟ وأي نوع تمارسين؟

10- هل تؤمني بأن الرشد بالعقل وليس السن؟

11- اذكري لي بعض المواقف:-

موقف أبكاكِ بحرق..

موقف ترك أثر في داخلكِ..

موقف فتح لكِ باب السعادة..

موقف تمنيتي لو أنك لم تعيشيه..

موقف لا يمكن أن تنسيه..

12- ما رأيكِ بالمجاملة وهل تلجأي إليها أحياناً؟

13- بأي لون تفضلي الكتابة به؟

14- إلى من تشكي همك؟

15- ماذا ترسمي مخيلتك عندما ترى اسم (-_-)؟
ما رأيكِ به وما هي عيوبه؟

[شمعه الجلاس]

نورتي الكرسي يالغلا
بوجودكم
إنشاءالله مرتاحة فيه

أخبارك ؟ وش مسوية ؟ والدراسة ؟ و و و و ............إلخ

أمممممممممم

الحب من أول نظرة.......تؤمنين به ؟
لا,,

شمعنى الصداقة من وجهة نظرك ..... وهل في فرق بين لما تقولي صديق ولما تقولي صاحب ؟
الصداقه هي اخوه ومحب بين الصديقين,,,يجاورك بالضيق والفرج,,يفرح معاك بالفرح,,لو يوم تضايقتك بتلاقي نفسك لجأت له

ماأحس في فرق يالنسبه للقول,,لكن بالفعل اكيييد في فرق
الصديق افظل من الصاحب

ايهما تحكم في قرارتك القلب أم العقل ؟
العقل اكيييييد
لو بنمشي على القلب,,اعتقد كل شيء بكون خطأ

شرايك بـــــــ"aocci2"؟ ؟ ؟ ؟
بصراحه ماعرفك:D
بس اللي اشوفه انك ولد حبوبه ومساالم جدا,,,
والله يوفقك ان شاء الله


وبـــــــــس

وإنشاءالله ماتكون أسئلتي ثقيلة

تحيات



يعطيك العافيه اخوي
على المرور

[شمعه الجلاس]

مرحبا بكِ شمعه
مرحبتين يالغلا

1-ما هي نظرتكِ للحياةِ؟
نظره تفاؤل إن شاء الله للمستقبل فقط,,

2-من أقرب انسان إلى قلبكِ؟
أمي

3-صفي نفسكِ بثلاث كلمات؟
حبوبه,,عنيده,,مزاجيه

4- ماذا تعني لكِ تلك المشاهد؟ :-

الغروب...حان وقت الرحيل

المطر...إنتعاش

الطيور المحلقة...حريه

القمر..تأمل

الدموع..حزن

الصراخ..صدمه

5-أين تجدي السعادة الحقيقية؟
بداخلي,,ومن حولي من احبائي

6-هل أحسستي يوماً بأن الغموض كان عنواناً لك؟
نعم

7- عندما تشاركي في موضوع.. على أي مبدأ قررتي المشاركة, عنوان الموضوع أم صاحب الموضوع؟
الموضوع,,
وبالتالي صاحب الموضوع
بس اذا كان العضور مميز بالنسبه لي اكييد مابفوت ولا موضوع له

8- أي وردة تفضلي.. البيضاء, الحمراء أم الصفراء ولماذا؟
البيضاء,,,صفاء القلوب,,

9- هل تحبي الرياضة؟ وأي نوع تمارسين؟
نوعا ما,,
احيانا العب كوره

10- هل تؤمني بأن الرشد بالعقل وليس السن؟
نعم

11- اذكري لي بعض المواقف:-

موقف أبكاكِ بحرق..موت جدي &ولد عمتي
والموقف الثاني سفر اخوي:frown:

موقف ترك أثر في داخلكِ..كل مواقف الموت,,

موقف فتح لكِ باب السعادة..خبر توني سمعته امس والله يستر,,:biggrin:

موقف تمنيتي لو أنك لم تعيشيه..فراق عزيز

موقف لا يمكن أن تنسيه..خاص

12- ما رأيكِ بالمجاملة وهل تلجأي إليها أحياناً؟
ما أحب المجامله ابدا,,
لا احاول بقد ما أقدر ابتعد عنها,,,,وبدل اني اجامل اكتفي بإبتسامه

13- بأي لون تفضلي الكتابة به؟
الاخضر

14- إلى من تشكي همك؟
اعز صاحباتي,,,اذا كانت همومي خاصه جدا
ولكن اغلب الاوقات لأمي

15- ماذا ترسمي مخيلتك عندما ترى اسم (-_-)؟
إبتسامه تشرح الصدر يذكرني بــ ( ^_^ )

ما رأيكِ به وما هي عيوبه؟
إنسان مجتهد وطيوب,,حبوب للكل,,,اخلاقه عاليه,,
عيوبه Nothings


نورتي خيتوو
بس سؤال,,
وش معنى سالتي عن (-_-)..؟؟

[ČЯẤŽЎ ㋡]

16/ من هو الذي ... أمزح خلاص عاد
عرفت قصدك,,من هو الذي>>>بس هالشيء خاااااااااااااص كثير
هههههههههههههههههه والله ياقلبي ماعرفتي قصدي

اصلاً كنت قاعدة اخربط ومدري كيف طلع هالسؤال هههههههههههههههههه

بس انا بعد فاهمة وش تقصدين :D

ترا فيني لقافة بس مو لهالدرجة :rolleyes:

وبس

ثانكيووووو مرة ثانية

[شمعه الجلاس]

لقافه
>>> عجبتني
سميها فضووول طيب,,

ولا يهمك
بالاحلام توقعي هههههه

[غلاها من حلاها]

أهلًا غاليتي شمعة
سـ/1 وش رايش بكرسي الاعتراف ؟

سـ/2 كل انسان وله أمنيات .. يا ليت تخبرينا عن الحلم اللي يراودك ؟

أو بالأحرى الأمنية اللي تتمناها ؟

سـ/3 شنو أصعب المواقف اللي مريتي فيها؟

سـ/4 شنو موقفش من الحب ؟ وهل جربتيه ؟ وهل تؤمني بوجوده ؟

سـ/5 في قراراتكِ اللي تتخذيهـا هل تحكمي بعقلكِ او قلبكِ فيه؟
ومن الأسبق في التحكيم قلبكِ أو عقلكِ ؟

سـ/6 هل ندمتِ في حياتك على شي معيّــن ؟؟؟

سـ/7 مالفـرق بين الحب والصداقة ؟ وهل يمكن ان يسلكا طرق الغيرة؟

سـ/8 شنو تعبر لكِ هذي الكلمات ..

الخيانهـ ..
المرأهـ ..
الابتسـامـهـ ..
الصداقهـ ..
البحــر ..
المــوت ..

سـ/9 هل أنت منظمة أم عشوائية في حياتك ؟ وماهو مفهوم التنظيم لديكِ؟

سـ/10 رأيكِ في الموضه؟ وهل تتابعيها ؟

[princess]

كنت راح اسألك بس غيرت رايي .. ليه اسأل وانا عارفه عنك كل شي مثل اسمي

الله يخليك لي يااعز رفيقه دربي ;)

[aocci]

ههههههه :d

بس أنا بنت

تحيات

[شمعه الجلاس]

أهلًا غاليتي شمعة
هلا اختي غلاها من حلاها

سـ/1 وش رايش بكرسي الاعتراف ؟
ممتع ,,
يسليني
وبالتالي يخلي كل عضو يتعرف على الثاني اكثر

سـ/2 كل انسان وله أمنيات .. يا ليت تخبرينا عن الحلم اللي يراودك
أو بالأحرى الأمنية اللي تتمناها ؟
اتمنى يتحقق اللي ببالي,,,ولوالقليل,,,
ولكن,,
اولا,,اتمنى السعاده في حياتي ,,من جميع النواحي
رضا الله والوالدين,,



سـ/3 شنو أصعب المواقف اللي مريتي فيها؟
خاص جدا هالموقف

سـ/4 شنو موقفش من الحب ؟ وهل جربتيه ؟ وهل تؤمني بوجوده ؟
نعم جربته,,,ولكن انتهى
نعم اؤمن به,,,

سـ/5 في قراراتكِ اللي تتخذيهـا هل تحكمي بعقلكِ او قلبكِ فيه؟
ومن الأسبق في التحكيم قلبكِ أو عقلكِ ؟
جاوبت هذا السؤال فوق,,,:)

سـ/6 هل ندمتِ في حياتك على شي معيّــن ؟؟؟
وحتى هذا السؤال جاوبت عليه
ولكن بعيده
اييي ندمت على شيء,,,ولكن يقوولون لي راح ينتهي هالندم,,,ولكم مدري

سـ/7 مالفـرق بين الحب والصداقة ؟ وهل يمكن ان يسلكا طرق الغيرة؟
الحب بين اثنين له اهداف ساميه وقويه ونهايته الزواج,,>>مابي اوضح اكثر
ولكن الصداقه,, هي ارتباح روحي اخوي,,,وفي صفات مشتركه بين الاثنين
نعم ممكن ان يسلكا طريق الغيره ولكن بحدود

سـ/8 شنو تعبر لكِ هذي الكلمات ..

الخيانهـ ..>>ذكرت سابقاالمرأهـ ..نصف المجتمعالابتسـامـهـ ..
الصداقهـ ..كنز
البحــر ..ذكريات
المــوت ..ألم

سـ/9 هل أنت منظمة أم عشوائية في حياتك ؟ وماهو مفهوم التنظيم لديكِ؟
منظمه 100%
بكل شيء عندي تنظيم,,
بيومياتي,,طلعتي,,اكلي,,مذاكرتي,,,حتى بمكالماتي لصاحباتي فيه تنظيم,,


سـ/10 رأيكِ في الموضه؟ وهل تتابعيها ؟
شيء حلووو,,
نعم اتابعها,,,,



اسعدني مرورك
نورتي,,,

[شمعه الجلاس]

كنت راح اسألك بس غيرت رايي .. ليه اسأل وانا عارفه عنك كل شي مثل اسمي

الله يخليك لي يااعز رفيقه دربي



يالغلا,,
اللي تبينه اسالي,,
بس كاه انتي قلتي,,
تعرفيني مثل اسمك,,,
الله يخليك لي,,,ولايحرمني منك

[شمعه الجلاس]

ههههههه :d

بس أنا بنت

تحيات

مومشكله,,
السموحه,,,
نورتي صفحتي

حياك اختي,,,

[هديل القلوب]

ياهلاوالله
ابدا على طول اسألتي شمووعه إن شاءالله الأسئلة ماتكون ثقيله عليك أخفيفه
س1)تعتبر الحياة مدرسة بالنسبه للجميع هل شمعه التقت بموقف من الحياه جعلها تأخذالمركز الأول فيها؟؟
س2)كيف تتعاملين مع شخص ثقيل دم وانتي في نفس الوقت مجبوره تسايريه؟
س3)لو خيرتي بين الخروج مع الصديق أو الحبيب فمن تفضلي الخروج معه ؟؟؟ ولماااذاا؟
س4)سؤال الظن غيري سألك بس ابيك تجاوبيبني انا (مواصفات فارس أحلامـــك؟؟
س5) جاء للتقدم لك شاب من العائله وله من الصفات مايميزه وفي نفس الوقت تقدم شاب أخر من خارج العائله وكانت مواصفاته تطغي على الشاب الاخر من تختاري منهم؟؟ لماذا؟
س6)لماذا انتي متواجده في المنتديات؟؟ هل انجزتي شئ يخدمه؟؟
س7)من قدوتك في الحياه؟؟
س8) مارأيك في شخصية شمعه بكل معانيها وهل تحتاج للتعديل ؟؟ ^_^
س9) أنجازاتك تحقق الوضع الحالي أم اللجوء إلى المستقبل؟؟؟
س10)من الأعضاء الذين تتمني لهم الإستمرار في المنتدى دون انقطاع؟؟
س11) متى تغلبكِ دموعك؟
س12)ماذا يعنى الامان بالنسبة لك و ماذا تعنى لك الحياهـ ؟
السؤال الأخيـــر:. هل هديل ازعجتك بالأسئله ,,,,اتوقع خفيفه عليك يالغلا
وبس
اتمنى لك التوفـــيق

[شمعه الجلاس]

ياهلاوالله
ابدا على طول اسألتي شمووعه إن شاءالله الأسئلة ماتكون ثقيله عليك أخفيفه
ياهلا فيك,,,

س1)تعتبر الحياة مدرسة بالنسبه للجميع هل شمعه التقت بموقف من الحياه جعلها تأخذالمركز الأول فيها؟؟
نعم,,,

س2)كيف تتعاملين مع شخص ثقيل دم وانتي في نفس الوقت مجبوره تسايريه؟
السكووت,,,

س3)لو خيرتي بين الخروج مع الصديق أو الحبيب فمن تفضلي الخروج معه ؟؟؟ ولماااذاا؟
الحبيب,,,
اعتقد هالخيار اكييد له هدف,,فأنا هدفي راح يكون ويا حبيبي,,

س4)سؤال الظن غيري سألك بس ابيك تجاوبيبني انا (مواصفات فارس أحلامـــك؟؟
خلوق,,طيوب,,حبوب بالنسبه للكل,دين,,الكل يحترمه,,,وسيم,,طويل وعريض لان مابي عصقول,,
وعنده وظيفه,,وهذا يكفي,,,

س5) جاء للتقدم لك شاب من العائله وله من الصفات مايميزه وفي نفس الوقت تقدم شاب أخر من خارج العائله وكانت مواصفاته تطغي على الشاب الاخر من تختاري منهم؟؟ لماذا؟

والله انا بختار اللي راح يرتاح له قلبي,,,مو مهم المواصفات ومين اعلى من الثاني
وعلى حسب المواصفات,,,من اي ناحيه تقصدين..؟؟
اذا من ناحيه المركز والعمل,,,فهذا مو مهم بالنسبه لي ابداا,,,
واذ من نواحي ثانيه,,,ذكرت لك اهم شيء قلبي ارتاح لمين,,
واذا جاء اليوم ,,من اعتقادي اني بختار ولد عيلتي


س6)لماذا انتي متواجده في المنتديات؟؟ هل انجزتي شئ يخدمه؟؟
والله,,,هالمنتدى استفت منه كثير واستمعت بوجودي فيه,,,
انجزت...؟؟؟ غيري يحكم علي مو انا

س7)من قدوتك في الحياه؟؟
أبوي

س8) مارأيك في شخصية شمعه بكل معانيها وهل تحتاج للتعديل ؟؟ ^_^
شخصيه فله 100%
ولكن تعديل بسيط في المزاجيه والعنااد,, وجاري التعديل,,,:D

س9) أنجازاتك تحقق الوضع الحالي أم اللجوء إلى المستقبل؟؟؟
الاثنين

س10)من الأعضاء الذين تتمني لهم الإستمرار في المنتدى دون انقطاع؟؟
كل المشرفين,,,والمراقبين
والاعظاء المتميزين

س11) متى تغلبكِ دموعك؟
في موقف الحزن والفرح

س12)ماذا يعنى الامان بالنسبة لك و ماذا تعنى لك الحياهـ ؟
الامان: استقلال روحي
الحياه: تجربه

السؤال الأخيـــر:. هل هديل ازعجتك بالأسئله ,,,,اتوقع خفيفه عليك يالغلا
وبس
اتمنى لك التوفـــيق
اكييييد ما ازعجبتي دام هي منك يالغلا



يعطيك العافيه
نورتي صفحتي,,,