البندري
03-21-2007, 03:01 PM
ياالله ياللي تفرج الهم والضيـق
تفرج لمن غيظه بنفسه خنقهـا
وافتح لي ابواب الرضا والتوافيق
ياعازلٍ ليل الدجا عـن شفقهـا
ياالله عفوك يوم جمع المخاليـق
يوم الاوادم سابحه فـي عرقهـا
ومدققـه كـل الملفـات تدقيـق
طويت صحايفها وختـم ورقهـا
أحدٍ شرابـه سلسبيـلٍ باباريـق
وأحدٍ شرابه من حميم وغسقهـا
وابعد طريقي عن طريق المطافيق
خلايقٍ ماخاقـت اللـي خلقهـا
الزمرة اللي للنمايـم عشاشيـق
سود القلوب اللي خبيـث رفقهـا
ناسٍ ماغير تلفّق الهرج تلفيـق
إبليـس مغويهـا وزود فسقهـا
ناسٍ تكن الحقد وسط المعاليـق
تظهر محاسنها وتخفـي بهقهـا
تزرع بذور الحسد بين الزماليـق
حتى يضيع من الطبيعـة عبقهـا
على الردى متكاتفين ومشافيـق
أقبح بشر في طبعهـا ومعمقهـا
فرّيس هرج وباللـوازم مدانيـق
معـادنٍ غطـى عليهـا صنقهـا
واحدهم يسوّق من الكذب تسويق
قصـه معبيهـا وقصـه شلقهـا
يلبس قناع ويـدّرق بالمداريـق
وان حانت الفرصة بسرعه لحقها
طبعه كذا مايحب طبع المطاليـق
ولايصدق بكلمه لسانـه نطقهـا
خاين ولوعاهد يبوق المواثيـق
يظهر رضا نفسه ويبطن حمقهـا
وليانصحته صدق النصح تصديق
عينه تناظر لكـن الإذن صقهـا
قصيده من تواضعي اتمنى ان تنال أعجابكم ...
البنــــــــــــــــــــــــــدري
تفرج لمن غيظه بنفسه خنقهـا
وافتح لي ابواب الرضا والتوافيق
ياعازلٍ ليل الدجا عـن شفقهـا
ياالله عفوك يوم جمع المخاليـق
يوم الاوادم سابحه فـي عرقهـا
ومدققـه كـل الملفـات تدقيـق
طويت صحايفها وختـم ورقهـا
أحدٍ شرابـه سلسبيـلٍ باباريـق
وأحدٍ شرابه من حميم وغسقهـا
وابعد طريقي عن طريق المطافيق
خلايقٍ ماخاقـت اللـي خلقهـا
الزمرة اللي للنمايـم عشاشيـق
سود القلوب اللي خبيـث رفقهـا
ناسٍ ماغير تلفّق الهرج تلفيـق
إبليـس مغويهـا وزود فسقهـا
ناسٍ تكن الحقد وسط المعاليـق
تظهر محاسنها وتخفـي بهقهـا
تزرع بذور الحسد بين الزماليـق
حتى يضيع من الطبيعـة عبقهـا
على الردى متكاتفين ومشافيـق
أقبح بشر في طبعهـا ومعمقهـا
فرّيس هرج وباللـوازم مدانيـق
معـادنٍ غطـى عليهـا صنقهـا
واحدهم يسوّق من الكذب تسويق
قصـه معبيهـا وقصـه شلقهـا
يلبس قناع ويـدّرق بالمداريـق
وان حانت الفرصة بسرعه لحقها
طبعه كذا مايحب طبع المطاليـق
ولايصدق بكلمه لسانـه نطقهـا
خاين ولوعاهد يبوق المواثيـق
يظهر رضا نفسه ويبطن حمقهـا
وليانصحته صدق النصح تصديق
عينه تناظر لكـن الإذن صقهـا
قصيده من تواضعي اتمنى ان تنال أعجابكم ...
البنــــــــــــــــــــــــــدري