الدراسه مالها فايده ..!!!

[da Vinci]

http://www.tarout.info/montada/images/icons/icon9.gif الدراسه مالها فايده .. درسنا ولا مادرسنا كله واحد !!!

http://www.alhsa.com/forum/imgcache/14976.imgcache


لا يخفى عليكم مدى أهمية العلم و التعلم .. فأغلب المواد الدراسيه التي ندرسها من الصف الأول الإبتدائي وصولاً إلى آخر مرحله دراسية لها أهميتها وإن لم تظهر في وقتها
http://www.tarout.info/montada/images/smilies/love.gif


نذكر بعض الأمثله:
لولا التعبير لما استطعنا أن نعبر عن رأينا و لو بشكل بسيط و مفردات أبسط ..!
و لولا الأدب لما عرفنا بعض المفردات الأدبيه التي تساعدنا على التعبير في كاتباتنا ..!
و لولا القواعد لما تعلمنا إعراب الجمل و بالتالي معرفت حركات الكلمات ..!
ولولا و لولا و لولا ..... مروراً بالرياضيات و الفيزياء و الأحياء و العلوم و الجغرافيا و و و.....الخ


لو تلاحظون بعضها مكمل للآخر .. وبعض المراحل الدراسيه تعتمد على ما قبلها ..!
فجميعها لها فائده كبيره جداً .. وحصيلة هذا العلم يجب أن لا يستهان به أبداً ..!

نأتي إلى الناحيه العمليه .. مثلاً الإقتصاد المنزلي .. التربيه الفنيه .. و أيضاً حصة الرياضه البدنيه لها فوائد جمّه
فعلى سبيل المثال .. عندما يتم تعليم الفتاة بعض أساسيات الطبخ و ترتيب المنزل و الإهتمام بالنظافه الشخصيه و بعض الإسعافات الأوليه كلها أمور تفيدها بشكل جلي وواضح في حياتها المستقبليه .. وللأولاد عندما يمارسون الرياضه مثل لعب كرة القدم .. فإنه ينمي جسمه بها .. و أيضاً حصص التربيه الفنيه التي تعلمنا كيفية الإستفاده من الخامات البسيطه و التي عادةً ما ترمى بالإضافه إلى تعلم الرسم (عشان نعرف نرسم حق عيالنا


ذكرت جزء لا يتجزأ من فائدة الدراسه .. و إلا فإن فوائدها لا تعد ولا تحصى ..
فمن خلال فترة الدراسه يكتشف الطالب/ـه مواهبه/ـا و إبداعاته/ـا


للأسف ظهرت ظاهرة خروج الفتيات أو الشباب من المدرسه .. بحجة أو بدون حجه (مزاااااج) .. والمؤسف أكثر أن يوافق الأهل و يلبون رغباتهم و يؤيدون قراراتهم .. مع العلم أنهم لا يزالون غير مدركين مصلحة أنفسهم ..!

في الأخير أحب أن أقول .. إن ثقافة و حضارة و تعليم المجتمع و الأمه .. من تعليم أفرادها و زيادة ثقافتها .. "إن الله لا يغير ما بقوم حتى يغيروا ما بأنفسهم" ..!


http://www.tarout.info/montada/images/smilies/love.gif أعتذر للإطاله .. ولكن لدي بعض التساؤلات .. وأرجو أن لاتقتصر مداخلاتكم بالإجابه على تلك الأسئله..


هل تستحق الدراسه كل هذا الظلم من ِقبل الناس ؟؟
لما تتكرر هذه الجمله على مسامعنا من قبل البعض "الدراسه مالها فايده .. درسنا ولا مادرسنا كله واحد" ؟؟
لماذا الغالبيه العظمى يكرهون المدرسه و الدراسه و كل ما يتعلق بها ؟؟ و برأيكم ماهي الأسباب ؟؟
متى سيحب الناس التعلم و الدراسه و المدرسه <<<<<< حلم إبليس في الجنه
ماهي النصائح التي تقدمونها لمن يفكر بالخروج من المدرسه و عدم إكمال دراسته ؟؟


أتمنى أن أرى آرائكم الجميله .. ونصائحكم السديده .. وتعليقاتكم المفيده ..

[شمعه الجلاس]

اممم
يعطيك العافيه اخوي ع الموضوع

فعلا هالشيء موجود كثيير بها الايام
وخصوصا الشباب وهاذي رده فعل للي يشووفونه ان يدرسون وبالنهايه مايلقون وظيفه...واللي مايكمل درااسه يلاقي.....على قولتهم حظ يعني..

احس اكثر اللي يكرهون الدرااسه...يمكن المعامله السيئه من المدرسين...وبالتالي يمكن(( الاهل)) دوم يصرخون عليهم ويفرضون عليهم هالشيء...المفروض هالشيء يكون باسلوب محبب ....

انا بتكلم وبصرااحه
انا ما احب الدراااسه ابداا...
اروح كل يوم واجي لا اذاكر وهاذي الصرااحه...بس يوم الاختبار..اذاكر..وما احسد نفسي مستوااي حلوو...صحيح ان ممتاز ناازل هههه لكن الحمد لله ...احسن من غيري>>> شافت نفسها عاااد هه

وثانيا افكر باهلي اقوول تعبوا على راحتي و موفرين لي كل شيء وبالنهايه اخذلهم
خلصت الثانويه...ومو عاجبني ولا تخصص ادخله الا تخصص واحد وهو نساء ولالاده..وحسيت اهلي رافضين هالشيء ..ان بكون بعدين بالشغل خلط مع الرجال....وتعب كثثثير وسهر باللليل
بس حسيت ان هالشيء راح يفيدني باالاول بس بالنهايه بفيييد مجتمعي..
وقنعت اهلي ودخلت... وابوي بعدين شجعني بس امي لين الحين رافضه ههه على قولتها الشغل تعب وااااجد ومافي رااحه
والحمد لله انا احس مرتاااحه واااجد الحين وبالذات لما نزلت المستشفى وشفت المرضى....حسيت بمعاناتهم..واني ابي اساعدهم...والحمدلله مابقى الا القليل سنه وحنا متخرجين.
بجد احس اني سعييده لما يخلص دوامي المستشفى وذكر اني ساعدت هذا وهذا..وان لقيتهم سعييدين...ومرتاحين....>>فكروا بغيركم قبل نفسكم

سوووري على الاطاله

بس اتمنى ان ما احد يفكر ان يطلع من دراااسته ولا ينظر الى غيييره....ان اقل منه مستوى بالدرااسه ووصل لاعلى بالوظيفه...
بالعكس لازم يكافح ويكافح لين مايوصل......
ولكل مجتهد نصيييب

ادري طولت.......
اختك
شموووع

[da Vinci]

مشكورة ياشموعة

مرورك اثلج صدري اخيراً احد قرأ الموضوع

[رُوحْ إِنْسَان~!]

http://www.mo3afa.com/fasel/f79.gif
,,’’ أَخِي الصَّوْتُ الْجَرِيحِ’’,,
,,’’مَوْضُوعْ مُمَيَّزْ’’,,
,,’’أَنَا طَالِبْ مُمْتَازْ وَبِنِسَبْ عَآلِيَة’’,,
هل تستحق الدراسه كل هذا الظلم من ِقبل الناس؟
,,’’لَا بَلْ تَسْتِحقُّ الْإِحْتِرَامَ والْإِلْتِزَامْ’’,,
لما تتكرر هذه الجمله على مسامعنا من قبل البعض
"الدراسه مالها فايده .. درسنا ولا مادرسنا كله واحد"؟
,,’’لِأَنَّ الْمُجْتَمَعْ وَالْآبَاءْ وَالْأُمَّهَاتْ لَمْ يَهْتَمُّوا بِآبَآئِهِمْ’’,,
متى سيحب الناس التعلم و الدراسه و المدرسه
,,’’حِينَ يَهْتَمُّ الآبَاءُ بِأَبْنَائِهُمْ وَحِينَ تَتَغَيَّرْ أَنْظِمَة الْوِزَارَة الصَّارِمَة ((دِرَاسَتُنَا لِعُلُومِ السُّنة فَالْوَاجِب دِرَاسَةُ عُلُومِنَا))وَلِكِنَّ الْمُجْتَمَعْ لَايَخْلُو مِنِ الْمُحِبِّينْ لِلدِّرَاسَه’’,,
ماهي النصائح التي تقدمونها لمن يفكر بالخروج من المدرسه و عدم إكمال دراسته؟
,,’’إِبْتَسِمْ فَغَدًا يَوْمُ جَمِيلُ’’,,
عُذْرًا للِإِطَالَة
http://www.mo3afa.com/fasel/f79.gif

[just smile]

مشكور على الموضوع

وسلمت يداك

[ČЯẤŽЎ ㋡]

هل تستحق الدراسه كل هذا الظلم من ِقبل الناس ؟؟

لآ اكيد لآ ...

لما تتكرر هذه الجمله على مسامعنا من قبل البعض "الدراسه مالها فايده .. درسنا ولا مادرسنا كله واحد" ؟؟

احس إن الناس لما شافت مافيه وظايف قالوا خلاص ليش يكملون دراسة

لماذا الغالبيه العظمى يكرهون المدرسه و الدراسه و كل ما يتعلق بها ؟؟ و برأيكم ماهي الأسباب ؟؟

مادري يمكن البشر طبيعتهم مايحبون الألتزام والدرآسة واجبات والتزامات

متى سيحب الناس التعلم و الدراسه و المدرسه <<<<<< حلم إبليس في الجنه

قلتها حلم ابليس في الجنة .. انا احس مابيجي جيل يحب الدراسة واذا جاء فهو جيلنا كان عبقري حده < اقلبي وجهك

ماهي النصائح التي تقدمونها لمن يفكر بالخروج من المدرسه و عدم إكمال دراسته ؟؟

انا اقول أنه بيتأسف قد شعر راسه وانصحه انه يكمل وحتىآ لو مافيه وظايف الشهادة تنفعه يمكن يكمل دراسته بالخارج


اشكرك اخوي 1لصوت ع الطرح الرآئع

[pReTtY_sIcKo]

هل تستحق الدراسه كل هذا الظلم من ِقبل الناس ؟؟

قال الرسول عليه الصلاة والسلام ( اطلبوا العلم ولو في الصين) واول ايه انزلت على رسول الرحمه قوله تعالى ( أقرأ) هذا اكبر دليل على اهمية العلم والدراسه وبصراحه اذا ظلموا الناس الدراسه فهم حقيقة يظلمون انفسهم لان الدراسه تعود عليهم بالفائده

لما تتكرر هذه الجمله على مسامعنا من قبل البعض "الدراسه مالها فايده .. درسنا ولا مادرسنا كله واحد" ؟؟

باعتقادي هذا كلام طلاب او طالبات في مرحلة المراهقه واذا لم يحظوا بنصائح من الاهل او الاصدقاء واتبعوا هواهم بيجي يوم بيندمون فيه لان الشهاده سلاح وخلاصه في هالزمن

لماذا الغالبيه العظمى يكرهون المدرسه و الدراسه و كل ما يتعلق بها ؟؟ و برأيكم ماهي الأسباب ؟؟
اصحاب السوء

متى سيحب الناس التعلم و الدراسه و المدرسه <<<<<< حلم إبليس في الجنه

الارشاء والتوعيه والنصيحه من الوالدين بأهمية الدراسه ليس فقط للحصول على الشهاده ولكن التعمق في العلم و القراءه يزيد الانسان ايمانا لان في قراءته لاي علم من العلوم يكتشف عظمة الخالق

ماهي النصائح التي تقدمونها لمن يفكر بالخروج من المدرسه و عدم إكمال دراسته ؟؟
انه خسر مستقبله وانه بيجي يوم بيندم واذا كان الوقت بعده مافات انصح الكل انه يدرس ويجيب اعلى مستوى يقدر يوصل له انا ماقول لازم يجيب ميه بالميه او حتى 95 بالميه بالعكس الناس الي بس همها الدراسه مايكون لها خبره في الحياه لازم يكون في توازن . اني اكون جيده جدا وفي نفس الوقت مشاركه في نشاطات وعندي اصدقاء واطلع واترفهه اهو احسن طريقه

[وهج السنين]

يعطيك العافيه اخوي على الموضوع الرائع

والدراسه شي مهم بالحياه لولا الدراسه كان ماعرفنا نكتب ولا نقرى وهذا اكبر فضل من الدراسه والمدرسه

وبعض الناس بعد يقولو مدام احنا نعرف نقرى ونكتب خلاص الدراسه مالها فايده بعد بس بالعكس لها فوائد

كثيره تعلمنا الكثير ومنها كيفيه التعامل مع الاخرين حتى لو مستوانا مو حلو بس الاختلاط في المدرسه

ومعرفة جميع المستويات والعقول والاسلوب هذا بحد ذاته دراسه بالحياه له فوائد كثيره وانصح كل واحد من ا

اخواننا واخواتنا الا يفكرو بالخروخ من المدرسه ولا يقفو عند حد معين لان في النهايه الدراسه اذا مافدتنا

في الحاظر راح تفيدنا في المستقبل ولازم ننظر الى مستقبلنا لان سنصاب البندم اذا رأينا الي درسنا معاهم

اعلى منا مستوى في الدراسه والعلم والشهاده والوظيفه وراح يأثر علينا سلبا

اللهم وفقنا ووفقكم في الحياة الدنيويه والأخره يالله

[روح]

هل تستحق الدراسه كل هذا الظلم من ِقبل الناس ؟؟

اكيد لا ..

لما تتكرر هذه الجمله على مسامعنا من قبل البعض "الدراسه مالها فايده .. درسنا ولا مادرسنا كله واحد" ؟؟

هذا الشي يعتمد على الاهل نفسهم ..
خصوصا اذا الام والاب اذا شافوا اولادهم متعبين نفسهم في المذاكره وخايفين عليهم .. يقولون لهم هالكلام ..
او عندهم خوان او قرايب .. محلصين على نسب عاليه ومو داخلين جامعه او متخرجين .. ومتأخرين في الحصول على وظيفه ..
او يسمعون ناس يمرضون من كثره المذاكره .. ضعف النظر وغيره ..
فيتأثرون ويقولون هالكلام ..و مايذاكرون عدل وفي النهايه يحصلون على نسب منخفضه ... فما يحصلون في النهايه اللي متمنينها .. لا جامعه ولا وظيفه .. طبعا مو الكل ..
لكل مجتهد نصيب ..

لماذا الغالبيه العظمى يكرهون المدرسه و الدراسه و كل ما يتعلق بها ؟؟ و برأيكم ماهي الأسباب ؟؟
السبب الاول .. المناهج الدراسيه اللي ندرسها .. وطريقة الدراسه .. يبيلها تطوير ونظام اكثر
السبب الثاني .. الاسرة نفسها وتشجيعها وتهيئة الجو المناسب للدراسه ومدى ثقافة الاب والام .. وحبهم للدراسه والتعلم .. فاذا الاب والام والاهل طلعوا العكس .. فبيأثر على الطالب ومدى حبه للدراسه والتعلم ..
السبب الثالث .. بدايات الطالب الدراسيه .. في المراحل الاولى .. يعني اذا كان الاساس ناجح بتكون السنوات الثانيه ناجحه .. يعني اذا مافي احد يعلمه مثلا في صف اول ابتدائي الاحرف الابجديه ومافي احد مهتم فيه .. فأكيد بيأثر على مستواه الدراسي في السنوات القادمه .. فيفكر الطالب ان هو انسان مايستوعب او مايفهم وفاقد الامل في التعلم والدراسه فما بيحب الدراسه والمدرسه .
السبب الرابع .. المواقف الدراسيه اللي تكون في المدرسه سواء من الطلاب او المعلمين .. اذا مثلا جاوب الطالب اجابة خاطئه يوم او صار له موقف محرج او تهزئ .. فيخلي الطالب مايحب المدرسه ولا الدراسه او ماده بسبب هذا المعلم ..
السبب الخامس .. الاصحاب .. وتشيجعهم له .. فيحاول هو اللي يأثر مو يتأثر خصوصا اذا كانوا اصحابه من اللي ماخذين نظره سلبيه من الدراسه .
متى سيحب الناس التعلم و الدراسه و المدرسه <<<<<< حلم إبليس في الجنه
ماهي النصائح التي تقدمونها لمن يفكر بالخروج من المدرسه و عدم إكمال دراسته ؟؟

انا قلت قبل بيحبون المدرسه من تشجيع الاهل اوالاصدقاء .. والمعلمين اكيد لهم دور كبير في حب الماده والدراسه والمدرسه ..
اممم النصائح .. يحاولون يحببون نفسهم للدراسه اكثر حتى لو مثلا مافي احد يشجعهم .. وتكون نظرتهم نظرة تفائل من البدايه ومثل ماقالت اختي شمعة ماينظرون للناس اللي اعلى ويقولون مايقدرون .. يحاولون يوصلون مثلهم او اللي يقدرون عليه ..او يقولون هذا نسبته عاليه ماحصل وظيفه ولا جامعه انا اللي بقدر .. الله اعلم .. كل واحد ياخذ نصيبه .. وبأذن الله الافضل ان شاء الله .. ويكون هدفهم امام عيونهم وماينسونه .. لان اذا ما درس ولا خلص ماراح يحصل وظيفه بعدين مابيقدر يحقق احلامه .. او بيكون انسان جاهل .. يحاول ان ياخذ فكره ان الدراسه مو روتين بس .. استفاده وثقافه اكثر .. وان شاء الله تفيدينا في الحياة .. صحيح مناهجنا ماتساعد .. بس نحاول نطور نفسنا بكتب ثقافيه او غيره . واذا كان هو يمل من المذاكره .. يحاول يسوي نظام يخلي وقت المذاكره وقت ممتع ..
مثلا لما يرجع البيت وهو يذاكر .. ياخذ له سبورة .. ويشرح لنفسه كأن استاذ نفسه
او يخلي واحد من اصحابه .. يسوي معاه منافسه شريفه في المواد الدراسيه
واكيد تنظيم وقت الدراسه مابين التسليه والمذاكره لها دور .. يعني يحاول مايلعب وايد في نفس الوقت مايتعب نفسه وايد بالمذاكره .. عشان لايمل
ومثل ماقالت اختي برتي .. ماتصير الحياة كلها دراسه ومذاكره .. لان بيأثر على تعاملك مع الناس بعدين .. فلازم يكون فيه موازنه ..
واكيد المراجعه اول بأول وتنظيم وقته .. تخليه يحب المذاكره والدراسه .

وبالتوفيق للجميع ان شاء الله : )

تحياتي
اختكم روح

[شذى الذكريات]

مشكور أخوي على مواضيعك المميزه ولي عوده في هذا الموضوع لأني الحين طالعه

[da Vinci]

الله يعطيكم العافيه على المرور الجميل هذا

بس للحين ما شفت احد منكم ما يحب الدراسة ؟ ليش ؟

[ČЯẤŽЎ ㋡]

الله يعافيك ...
اخوي 1لصوت الظاهر مالآحظت ان فيه اعضاء دخلوا يفكرو انك تؤيد وتقول ان الدراسة مالها فايدة بس ماعطوا رايهم ولا جاوبو علىآ اسألتك

عذراً ترآ ماأقصد احـد بس اتوقع ان هذا الصح

وإذا عن ان احنا نحب الدرآسة لآ أكيد نبي نتخرج ونرتاح

بس ندري ان للدراسة فايدة

شكري لك

[رُوحْ إِنْسَان~!]

http://www.mo3afa.com/fasel/f79.gif
http://www.wasit.net/alrowad/images/hit.gif
,,’’1لصوت 1لجريح’’,,
,,’’سُؤَالُ وَجِيهٌ’’,,
,,’’لِأَنَّ حَنَّا نَدْرِي أّنَّ الدِّرَاسَهْ لَهَا فَايْدَة وَبَتْوَظّفْنَا أَحْسَنْ الْوَظَايِفْ’’,,
http://www.mo3afa.com/fasel/f79.gif

[da Vinci]

مشكورة دلع البنات

مشكور يابوعيون

[ولد المحمدية]

اخوي الصوت الجريح دائماً مورطنا بمواضيعه الجادة واللي تنزل على قلوبنا زي العسل :56:
إذا جيت الى طالب اليوم راح تشوفه مجتهد من الصف الأول الى الصف الثالث لماذا؟
لأنه يلقى التشجيع والأهتمام من المدرسة والبيت هذا غير التباهي بالتفوق بين أقرانه :073: لكن بعد هذا المرحلة يبدأ الطالب بالخمول والكسل لأنه فقد عنصر مهم وهو الأهتمام من الطرفين وبدأ يشوف الشدة في المعاملة من البيت أكثر طبعاً هذا لمصلحته لكن يشعر ان الدراسة اصبحت فرض واجب عليه هذا غير غياب التشجيع المكثف من المدرسة وإخراج الطالب من الجو الدراسي المزحوم من الصباح الى الظهر وذلك بعمل رحلات خارج المدرسة وعمل مسابقة وجوائز تحفيزية :100:
المهم...الدراسة عنصر مهم في الحياة مهما اختلفت الآراء حولها وبدونها يصبح الأنسان نصف مهم في المجتمع لأن في ناس ما درسوا لكنهم أفادوا المجتمع ومنهم النجار والميكانيكي والسباك مع فائق احترامي لهم.
حب الدراسة والمدرسة اصبح عملة نادرة هذه الأيام
اللي يفكر يطلع من المدرسة او يترك الدراسة اقول له ألزم مكانك الا إذا توفرت وظيفة محترمة ياكل منها لقمة حلال
وآسف جداً على الإطالة