.. أدخل وسجل أطرف موقف حصلك أو حصل ألى أحد ربعك

[فيصل العتيبي]

السَـــــــلاًم علُيكًم ورحُمًة الله وبًركاتُه

اول بطرح عليكم الفكره

اللحين نبي كل واحد فينا يكتب موقف طريف حصل له

او مقلب سواه لاحد

او موقف مضحك شافه

كل شخص يكتب موقفه يجي اللي بعده يرد علي موقف اللي قبله

ويكتب موقفه

وكل مره تجي لنا مواقف نجي نقولها لبعض ,,,,,,,,,,,,,


طيب أنا ببدى وأكتب موقف حصل لي موقف محرج ومضحك بنفس الوقت ..:D

هذا مرتن من المراير الله يسلمكم

طلعت الدوام الصباح وانا مالي خلق

المهم تكشخت كالعاده انواع العطور

والثوب الاسود كان وقت برد طبعا

والغتره البيضاء واذاني احس انها ثلجت

بس لازم اصير كشخه خصوصا ان وظيفتي

السابقه كانت امام الجمهور وهنا الكارثه:cdw:

المهم طلعت وافطرت وروقت ودخلت الشركه

من الباب الرئيسي ولو انها غريبه كنت ادخل

من الباب الخلفي على شان المعجبات :D

ايه طيب

المهم ذاك اليوم دخلت مع الباب الرئيسي مدري وش لقفني وخلاني ادخل

طبعا الصاله كلها زحمه ناااس وخوياي يترززون

وأول مافتح البابب وطقيت الابتسامة السحرية ومشيت خطوة
ورجل تروح يمين

والثانيه يساااار زحلقت زحلقه شنيعه الله لايوريلكم

حسسسيت ان ارجولي صارت مثل الفرجار صارت

سيقاني الين رقبتي شكل فرجار خالص

ودردب << صوت الطيحه :p

واطيح على ظهري واصيح باعلى صوتي

ابن (طوووط ) << كلمة مشفرة :D الهندي

اللي نظف البلاط وينه ابببببيه

والعالم ماسكه بطونها ضحك وأناا وجهي نصارع امواج تقلبات الالوان اللي صايرة فيه

بعدها


لملمت اوراقي وغترتي والطاقيه مدري وين راحت

شكلها تعلقت في الثريا وارجع مع الباب

للبيت وثاني يوم مادومت قلت خلهم ينسون الموقف

بس اول مادوومت كروها ضحك قبل اقول السلام عليكم

انشا ءالله يعجبكم الموقف وانشاء الله مايصير لحد منكم

والمواقف كثيره بس انتظر ردودكم



دمتم بود
فيصل العتيبي