سؤال هام للنقاش

[دلوعة حبيبها]

السلام عليكم ورحمه الله وبركاته



عندي سؤال أبي الكل يجاوب عليه بكل صراحه من الناحيه الإيجابيه أو من الناحيه السلبيه




س : ماهو رأيك بـ وظيفه المسوقه أو المندوبه ؟


تحياتي

[دلوعة حبيبها]

:cd: :cd: :cd: :cd:


ماحد رد على الموضوع ماعجبكم

[التحدي]

السلام عليكم ورحمة الله وبركاتة


بخصوص السؤال انا اشوف انها ما فيها شي انها تكون مسوقة او مندوبة ( بس ما تصلح بنت تشتغل هالشغله مو على شان عيب او حرام على شان المكان اللي بتروحه والناس اللي بتقابلهم وخاصه اذا كان الشغل ميداني يعني المعروف عن المسوق او مندوب المبيعات المفروض ياخذ كتلوجاتة ويروح حق شركة محل مكتب على حسب مجال شغله يعني اذا البنت راحت شركة في كثير من الشركات اللي فيها مو رجال ولاينوثق فيهم واعتقد الكل سمع عن اللي صار حق البنت اللي راحت تتوظف في بنك من البنوك في الخبر راحت عن حساب تسوي مقابله قام @!@@!@@!@@!@@!@@!@@!@@!@@!@@!@الموظف المسؤول واعتدى على شرفها يعني اللي ابغي اقوله يمكن بعض الشركات تستغل البنت اذا كانت وظيفتها مسوقة او مندوبة يعني لنفرض انها راحت شركة وقابلت الموظف المسئول وقت الدوام وقال للمندوبة انا الحين مشغول ويش رايك تجيني وقت ثاني ويمكن @!@@!@@!@@!@@!@@!@@!@@!@ويخليها تجية مكان خاص له ويعتدي يعني لو البنت بيكون تعاملها مع نساء اوكي بس شغلها اكيد ماراح يكون مع نساء يعني لازم تقابل رجال ونساء وانا بصراحة ضد الاختلاط مو لاني ما عندي ثقة في البنت بس لان في بعض الرجال ما يصدقوا يشوفوا بنت وخاصة اذا بنت راحت الشركة لو معرض على شان تسوق ولابسه نقاب وحاطه كحله تطيح الطير من السماء واذا بعد لبست عباية كوبوي لو بعد لبست كعب عالي وقامت@!@@!@@!@@!@@!@@!@@!@@!@@!@@!@@!@@!@@!@@!@@!@ @!@@!@@!@@!@@!@@!@@!@@!@@!@@!@@!@@!@@!@@!@@!@@!@@! @@!@@!@@!@@!@@!@@!@@!@@!@@!@@!@@!@@!@@!@@!@@!@@!@@ !@@!@@!@@!@@!@@!@@!@@!@@!@@!@@!@@!@@!@@!@@!@@!@@!@ @!@@!@@!@@!@@!@@!@@!@
اسف على الاطاله واتمنى ما يضايقك ردي في الاجابة .....

مع تمنياتي لك بالتوفيق مقدما
والله يستر علينا وعليك


وثاني شي كم الراتب وكم النسبة


بصراحة ما تستاهل تعبها لاني جربت الشغله يعني اللي يشتغلها يركض ركض من الصبح الى الليل ترا مو قصدي احبطك اختي العزيزة بس والله ما تسوى على بنت مثلك ولا غيرك تتعرض لموقف بايخ من انسان من حط.



مع فائق الاحترام ( التحدي ):cool:

[da Vinci]

السلام عليكم ورحمه الله وبركاته



عندي سؤال أبي الكل يجاوب عليه بكل صراحه من الناحيه الإيجابيه أو من الناحيه السلبيه




س : ماهو رأيك بـ وظيفه المسوقه أو المندوبه ؟


تحياتي






وظيفة المندوبة وظيفة جداً حلوة بس العيب في طريقة تطبيقها وطريقة تطبيق الشركات لها لأنهم بكل بساطة يسوقون البنت بواسطة السلعة بينما الشي اللي المفروض يصير هو ان البنت هي اللي تسوق السلعة ..

وشكراً على الموضوع

واحنا في انتظار بقية المشاركات ...

[da Vinci]

موضوع لازال تحت المجهر والنقاش فيه يطول

في الإنتظار ...

[دافـــي الشعــور]

سلام عليكم

اول شي يعطيك العافيه اختي على السؤال..

""
بشكل عام ومثل ما الكل عارف هذا الشي.. البنت الشريفه العفيفه والمتربيه واللي محافظة على نفسها.. لو تشتغل في اييييي مجال ماحد يقدر يمسها بكلمه وحده

لكن فيه نواحي كثيره في هذي المسأله لابد ان احنا نلتفت لها, ونخليها بعين الاعتبار..

""
انا شخصيا كنت في السابق اعمل بمجال التسويق لفتره طويله.. وممكن اكون اقرب منكم (تصورا) للاجابه على هذا السؤال.. مبيناً لكم رأيي الشخصي في هذي المسأله..

ممكن اول شي يلتفت له الشخص في هالمسأله هو (كلام الناس) وكثيييير منا يقولون: (شدخلني انا في الناس) أو ( لو باتابع الناس ما باخلص) مو بكلشي طبعا.. لكن في كثير من الامور خصوصا الحساسه..
شلون مالي شغل بالناس والانسان اصلا سمعه.. وبدون سمعه الواحد ما يسوى شي..
والشر يعم والخير يخص..

اللي اقصده بكلامي هو من اللي شفته من المسوقات والمندوبات.. بلاااااوي.. الله يبعدنا وياكم عنها..
غير الموظفات الجدد, يجون على نياتهم.. ومع الوقت ينجرفون مع الاوليات.. من غير ما يحسون.. مو لان التفاحه اذا نخليها بصندوق فيه تفاحات خايسه بتخيس معاهم..
خلو في بالكم اني ما اتكلم عن الكل.. لكن الاكثر..
زين.. الانجراف هذا لو في مجال العمل قلنا ماعليه.. الا يطلعون من هنا على اساس يسوقون, اثاريهم يفرون بالمجمات ووو واللي واللي.. الله يستر علينا وعليكم.. ولو مثلا راحو يسوقون بشركه! تعالو شوفو طريقة التسويق كيف!! عجب.. واتحدى العميل ما يرضى بالمنتج..

صدقوني مو بمسألة تعقيد مني او شي..

لان المسأله مسأله اسلوب.. فيه اساليب معينه تقدر المسوقه تعملها من غير ما تطلع من مقر العمل..
وهو بالاتصال على العميل وشرح المنتجات له بكل ادب وبشكل رسمي.. ووقت ما يوافق يجيب الاوراق الازمه ويوصلها للعامل وانتهى الموضوع.. بس وش نقول؟

يعني انا ما ادري!! قلّت الاعمال مثلا.. او بتموت البنت اذا ما اشتغلت مسوقه؟

ثاني شي الغيره هنا تلعب دور كبير.. شلون انا اسمح لاختي او زوجتي او او.. تقابل رجال بمقر عملهم؟ لغرض كسب مال او رزق؟!!! مو بمسالة ثقه.. الثقه موجوده ان شاء الله.. لكن الغيره!! انا انسان عندي قلب!!
قعدي بالبيت يبه وانا احفررررررر لك الارض عشان تاكلين.. او فيه مجالات كثيره للعمل, اعـّف واستر من التسويق!!

""
نواحي وجوانب كثيره تخليني ارفض تماما ان البنت تعمل في مجال التسويق..

وكل واحد له وجهة نظره في هذي المسأله.. وكلاً على حسب ما شاف وتعلم

""
بانتظار رأي باقي الاعضاء

سلام

[da Vinci]

مشكور اخوي دافي على المداخلة القيمة جداً وخصوصاً قعدي بالبيت يبه وانا احفررررررر لك الارض عشان تاكلين.. او فيه مجالات كثيره للعمل, اعـّف واستر من التسويق!!

عجبتني كثير وهذا اسلوب الرجل اللي يبي يحافظ على اهلة وسمعتة ..

وفي انتظار بقية المشاركات..

[بنوته عسل]

الف لك يا غالي والله يعطيك والف شكرلك
وبالنسبه للوظيه اهم حاجه انو الرجال يكون عنده دخل ويعتمد على نفسه والشغل ماهو عيب
تقبل مروري اختك
بنوته عسل

[دلوعة حبيبها]

يسلمو أعزائي ( التحدي / الصوت الجريح / دافي الشعور / بنوته عسل ) على مشاركتكم لنا بآرائكم

وفعلا ً شغلة المندوبه جداً صعبه من ناحية العمل و كلام الناس و الاخطاء اللي ممكن تقع فيها

بس المسوقه احسن

لأن مو شرط ان المسوقه تشوف العميل حدها تسوق عليه وباقي الاجرائات تتم عن طريق القسم الرجالي

[da Vinci]

بس اختي ماكو فرق بين المسوقة والمندوبة كلاهما مسوقين . اما الإحتكاك بالعملاء فأنا لا انصح به في بلدنا نهائياً حتى لو كانت البنت محترمة لأن الكثير من الناس في مجتمعنا غير محترمين ولا يؤتمن عليهم اعراض ولا حلال ..

يمكن المسوقة عن طريق التلفون اهون شوي لأنها ماتقابل العميل لكن اتقاء مواطن الشبهات افضل .

وجهة نظر.

[دلوعة حبيبها]

فعلا وجهت نظرك صح 90%

ايوة انا اقصد المسوقه اللي عن طريق التلفون

أما المندوبه فهي اللي تلف من مكان لمكان


تحياتي لك عزيزي الصوت الجريح


وربي يحفظنا وجميع المؤمنين والمؤمنات

[da Vinci]

الله يسمع منك انشالله والحاظرين قولوا آمين

[da Vinci]

في انتظار رايكم