سؤالين خفيفين ؟؟

[da Vinci]

:salamalekom:




هذي الأسئله تطرح موضوعين حلوين الكل يمر فيهم بس احنا راح انسوي اضافة صغيرة وهي كالتالي:
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::

سـ1ــــ\ ماهو اصعب (اقسى) موقف مر عليك فحياتك ؟؟ ( الإضافة ) وماذا تمنيت ان تفعل في هذا الموقف الصعب (القاسي) ؟ وماذا فعلت في الواقع؟؟ ( الأمنيه تختلف عن الواقع ) يمكن الإنسان ساعات يتمنى انه سوبرمان بخخخ .


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



سـ2ــ\ ماهو اظرف موقف مر عليك فحياتك ؟؟ وماذا تمنيت ان تفعل في هذا الموقف الظريف ؟؟ في الواقع وفي الخيال؟؟



ارجوا التفاعل وتقبل تحياتي :icon30:

[دلـع الكـون]

سـ1ــــ\ ماهو اصعب (اقسى) موقف مر عليك فحياتك ؟؟ ( الإضافة ) وماذا تمنيت ان تفعل في هذا الموقف الصعب (القاسي) ؟ وماذا فعلت في الواقع؟؟ ( الأمنيه تختلف عن الواقع ) يمكن الإنسان ساعات يتمنى انه سوبرمان بخخخ
اصعب موقف مر علي قبل خمس سنوات تقريبا لما تلقيت خبر وفاة زوج خالتي الله يرحمه كان بالنسبه لي مثل ابوي وكان علي اخبر اهلي لان الدنيا كانت ليل واني الوحيده اللي كنت موجوده وبصراحه موقف ماانساه طول عمري ومره مره تعبت لدرجة اني ماقدرت اتحرك من مكاني و بعدها جاء اخوي وخبر امي لاني ماقدرت اسوي شي اكثر من ساعتين ماحسيت نفسي بالدنيا وحتى لما جيت انام ماقدرت وظلت امي معاي لين نمت بصراحه شعور صعب اوصفه تمنيت اني مارفعت السماعه وقتها

سـ2ــ\ ماهو اظرف موقف مر عليك فحياتك ؟؟ وماذا تمنيت ان تفعل في هذا الموقف الظريف ؟؟ في الواقع وفي الخيال؟؟

اوووووووووه كثير والله بس الموقف اللي جاء فبالي لما كنت بالمدرسه بالثانويه بالتحديد كنت بصراحه من النوع اللي يشاغب وكنت اكل احيانا بالحصص مع صاحباتي خخخ
المهم كان وقتها حصة عربي والمدرسه كانت جديده و كنت آكل شوكلاته كيندر ( البيضه ) كيد تعرفوها خخخخ اللي داخلها يطلع العاب
وكنت دايره لوحده من صاحباتي عشان اقهرها بالشكولاتها واني اتلذذ باكلها كان درجها ورى اللي وراي يعني شوي بعيده
ومادرت الا المدرسه تطالع فيني واني خلااااااااااص ماعرفت شقول والا شسوي كان موقف ظريف ومضحك اكثر من ماهو محرج .


تسلم اخوي الجريح ع الموضوع :)

وسوررري على الاطاله

[da Vinci]

تسلمين دلايعو على الكلام الممتع الصراحة


واللحين جا دوري عشان اتكلم وراح ابدأ بالسؤال الأول اللي يقول اصعب موقف ؟؟



/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/



-- اصعب موقف علي فيوم من الأيام وكان شهر رمضان لما كنت في اول ثنوي او ثاني ماذكر بالصراحة بالضبط بس المهم كنت انا وصاحبي نبي نروح نرسل فاكس ضروري من كبينة الاتصالات الساعة 2 او 3 المهم كان الوقت متأخر وكانت الكبينه اللي مقبلة البنك الفرنسي اللي في سيهات طبعاً المهم نزلته جنب البنك الفرنسي ورحت عشان ادور بالسيارة من الاشارة وكانت الإشارة برتقاليه والشارع فاضي مافيه ولا قطو قمت انا الذكي وقطعت الاشارة ووقفت عند الكبينه واذا بذاك العسكري حارس البنك جاي لي ووقف يطالع فيني وانا اطالع فيه وتالي فتحت النافذة الا هو يقول لي : ليش تقطع الاشارة؟؟ ====== توني باقول له وش دخلك الا 3 دوريات جايين يتمشون طالعين من الشرطة الا داك العسكري الملقوف ينادي عليهم تعالوا تعالوا قلت فقلبي اسكت الله يلعنك خخخخخخ وجاي وكان فيهم واحد طيب ؟ توة الرجال الطيب مزبط موضوعي عشان بس بيعطوني مخالفة وبيخلوني اروح الا جا صاحبي ويقولي وش السالفة قلت له بيعطوني مخالفة الا هو يقول وقدام العساكر كلهم عادي يبوي عطني اياها وامسحها لك بكرة .
ولا شفت الا داك العسكري كأنه قطو دايسين على دنبته . وهو يقول نعم اشلون تمسحها ؟؟؟ بشروف اشلون تمسحها هااااااتووووووووووووه(اللي هو انا ) وانا اقوله هدي بالك الرجال مايقصد سامحه يرجال الدنيا ليل ماتسوى ورمضان كريم ومن هلكلام ... مافييييييييه معند حده الا يوديني التوقيف ويحجز السيارة بعد وودوني التوقيف وانحجزت للصباح الساعة 10 لما طلعت ورحت البيت وسبحت ونمت يومين ماطلعت من البيت من حلاوة الروح خخخخ..




-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-



واظرف موقف الا وهو الموقف اللي للحين وانا اضحك عليه مانساه ماحييت ابداً هي سالفة طويله في الحرم النبوي .
قلنا خلنا انصلي معا الجماعة دام اقاموا الصلاة . المهم صفينا في الصفوف اللي قريب من قبر الرسول (صلى الله عليه وآله) يوم جينا بنركع كان ولد اخوي يلعب تحتي وجابيقوم وقام ضرب راسه فبوزي بقووووووووة حتى طلع صوت قوي خلى اخوي وولد خالتي يضحكون والناس اللي جمبنا سمعوا الضربه .. المهم رفعنا من الركوع وانا راسي يفتر من الضربة ومثل ماتعرفون هم يتأخرون في الوقوف لين يسجدون انا بس قال (سمع الله لمن حمدة) ماوقفت (فكرت زينا الله واكبر واسجد (وتعال اخد الموقف) كل الناس واقفين وانا ساجد ..هههههههه . وانا ساجد واسمع اخوي يشاخر من الضحك فقلبة حتى الدموع طاحت من الضحك وقمت انفجرت وانا ساجد من الضحك وضليت قاعد لين قعدوا وانا للحين اضحك واتألم فنفس الوقت لليوم كل ما نذكر هالسالفة تجيلنا حاله هستيرية من الضحك حتى اللحين بطني يعورني من الضحك ماني قادر اتحمل الموقف هذا ...... على فكرة ولد اخوي للحين مايدري شوالسالفة لأنه صغير عمرة 4 سنوات

[دلـع الكـون]

تسلمين دلايعو على الكلام الممتع الصراحة





تسلم اخوي:)

....

والله شي موقفك المضحك يموت من الضحك خخخخخخخ

[da Vinci]

ترى انا للحين اضحك من ذيك السنه خخخخخخخخ

[da Vinci]

ماهو اصعب (اقسى) موقف مر عليك فحياتك ؟؟
سـ2ــ\ ماهو اظرف موقف مر عليك فحياتك ؟؟ وماذا تمنيت ان تفعل في هذا الموقف الظريف ؟؟ في الواقع وفي الخيال؟؟




لازلنا ننتظر المشاركات.....

[زنوبيا]

مرحبا الصوت الجريح ..موقفك بالمدينه ضحكني هههههههههههه
سـ1ــــ\ ماهو اصعب (اقسى) موقف مر عليك فحياتك ؟؟
تمر على الانسان بحياته مواقف واااجد صعبه
ومن المواقف الي مرت علي
قبل كم سنه كنت رايحه إيران واحنى مجموعة بنات أنا أكبرهم
وجدتي واختها (نسوان اكبار)
ولمن وصلنا لمطار طهران رحت أدور علي عمي لأنه على أساس اهو الي جاي النا بالمطار ....ولمن رجعت لأهلي ماحصلتهم
وظليت أروح وأجي ..وكان هالكلام الساعه 1 بالليل ..ومن الخوف صرت أشوف اأشكال الناس تخوف (صرت أتوهم ان أشكالهم أشكال ناس مجرمين )
وفي احتمال انه يبوقوني لأني أنا بروحي ...واحترت شسوي بعمري ..وكنت ماسكه الجوال ...وماعندي رقم عمي الي جاينا ...و فكرت أدق على ابوي
..وبنفس الوقت مابي أدق لأني مابي أخوفه وأنا بعيده عنه ..وبعدين فكرت ..
قلت بدور على ناس ايرانيين عرب وأسألهم عن فتح خط قم لأن عندي بيت أهل اهناك ودورت وحصلت وحده وكلمتها واجمعت على اهي وأهلها وحاولت تساعدني
وبينما أنا أكلمها وأأشر الها على المكان الي كنا فيه
..هنا التفت ولقيت جدتي واقفه اهي وخالتي ورحت الهم على طول
وبعدين مشينا اشوي وشفت ابن عمتي وودانا للسياره
وكان اهو ماخذ البنات وخلوني بروحي
وطبعا أول ماشفتهم استلمتهم تهزيييئ

سـ2ــ\ ماهو اظرف موقف مر عليك فحياتك ؟؟
مواقف واجد ومنها
اني كنت بالمدينه وذاك اليوم واحد من أهلي سوى عزيمه للعايله كلها
في فندق أو عماره ...المهم انه بنت خالي كانت ساكنه اهناك وقبل لا نروح لصاله الغدا
طلب مني أنا وحده من بنات عمي ننقل أغراضها من شقه بالدور التاسع
الي الدور الأول ..وكان ذاك اليوم زحمه ونظل ننتظر درو على المصاعد مده طويله
ومن ضمن الأغراض الي عندنا كرسي معاقين ..واحنى ننتظر قالت البنت الي معاي تعبت بقعد على الكرسي ..ومن حوستي بالكرسي خليته ثابت مايتحرك وأنا ماأدري وبعد اشوي انفتح الصعد وكان فيه ناس وكان واحد واقف اقبالنا ..ألحين نبي نروح وأنا الي كنت أمشي الكرسي ..وأحركه مايتحرك وحاولت ثانيه وثالثه وأنا ماني عارفه أحركه ..
هنا البنت الي كانت قاعده على الكرسي قالت لحظه ..لحظه وقامت من الكرسي
ووراحت للمصعد ..والرجال الي كان واقف اقبالنا انفجر من الضحك لأنه كان يضنها معاقه وبعدين اتفاجأ انه اهي تلعب ..وركبنا الصعد واحنى نضحك ونضحك ومستحيين نلتفت للرجال :) :) :)

[دلوعة حبيبها]

موضوع حلووووووووووو

مواقفكم جدا ً مضحكه


لي عوده

[دلوعة حبيبها]

انا ذكرت الحين موقف يضحك


من زمان كان اخوي صغير و اخواني عندهم ليزر والليزر بطاريته صغيره الحين اخوي الصغير يشوف اي شيء يحطه بفمه البطاريه اختفت قعدنا ندور عليها قلبنا الدنيا فوق تحت واحنا ندور عليها انا وامي وابوي واخوي ظلينا فتره طويله واحنا ندور عليها الحين اخوي يقول يباه يباه حصلت البطاريه الا ابوي طار من الفرحه وينها الا يقول اخوي امزح ها ها قام ابوي صفعه طراق بالقوه انا عاد ماقدرت اسكت دخلت الحمام وفطست من الضحك هههههههههههههههه
وفي نفس الوقت كسر خاطري اخوي ان يبي يلطف الجو وانضرب وطلع اخوي صحيح بلع البطاريه ودوه المستشفى نصف الليل وسوا اله اشعه شافوها في بطنه :D

[da Vinci]

هههههههههههههههههههههههههههههههههههههههههههههههههه


الله يغربل شركم

زنوبيا انا ماعجبني الا منظرك وانتي في المطار وتتخيلين الناس مجرمين ههههههه


لوفلي يعني البطارية في بطن اخوش بس ماقدر يعبر هههههههه بس ضحكني منظرك وانتي رايحة الحمام وميتة من الضحك وابوش معصب ههههههههههههههههههه

[The queen]

الصراااااحه مواقف توت من الضحك
الله يعطيك العافية

[M.nAjI]

ماهو اصعب (اقسى) موقف مر عليك فحياتك ؟؟

اصعب موقف مر علي كان يوم وفاة الولده الله يرحمها لانه كنت انا لحالي في المستشفى معها وكان موقف ما اقدر انساه طول عمري

سـ2ــ\ ماهو اظرف موقف مر عليك فحياتك ؟؟


كنت رايح شركة التريكي اللي في الدمام عشان اقدم على وضيفه ووافقو على طول طلعت وانا مستانس رايح الموقع عشان اعرف شنو الشغل دخلت تعرفت على المهندس وجلست اشوي الا جاي واحد شحات باكستاني ما يسوى شي يرفع صوته علي انا قمت وصفعته واهو يصارخ وانا اصارخ جاني المهندس يهديني بعد ما مسى قالي ان هذا الباكستاني اللي مو عاجبني هذا اهو الفورمن علينا :D وعلى طول قالو لي بااااااااي

[نســـمات]

هههههههههههههههههههه

من جد مواقف مضحكه ما وقفت ضحك عليكم

ههههههههههههههه

يالله جى دوري

ماهو اصعب (اقسى) موقف مر عليك فحياتك ؟؟

اصعب موقف مر علي وما راح انساه طول عمري يوم اخوي يتوفى ( الله يرحمه )
شفته يموت قدامي ما عرفت شنو اسوي له اهو كان نايم وطلع صوت مثل الي يتنفس بقوة وقعدت اهز فيه وانادي بأسمه بشكل هستيري واخر لحظه واخر صوت فتح عينه وهذي اللحظه ما عرفت شنو اسوي جمدت في مكاني وخصوصا اخر لحظه في حياته صارت عيني في عينه وبعدين ركضت لامي قعدتها من نومها كان من الصبح ورحت لاخواني ودوه المستشفى بس هذا يومه الله يرحم الجميع يارب


سـ2ــ\ ماهو اظرف موقف مر عليك فحياتك ؟؟

على المواقف المحرجة والمضحكه وااايد هههههههههه
اذكر في ايام الدراسة بالمدرسة كنت قاعده في الفسحة مع شلة بنات وتعرفون قعدت بنات لازم عقرة عاد انه مسكت وحده كانت معاي في نفس الصف اسمها غريب وهاتي طنازة على الاسم و وبنات تسدحوا من الضحك وانه مو موقفه طنازة على الاسم ويوم كملت التفت يساري الا البنت الي اعقر عليها قاعده وتسمع الي اقوله اهني تفشلت من قلب شقول وش اسوي انحرجت عددددددل ورجعت الصف وانه منحرجه منها والبنت اشوه مالي علاقة فيها كانت سودانيه

وموقف بعد اذكر كنت في الجامعه وتعرفون عندنا في البحرين خلط في الجامعات دخلت السكشن متأخرة وكان مليان شباب وما لقيت الا كرسي واحد وقعدت عليه بس من خليت الكتب على الطاولة ما اشوف نفسي الا على الارض وكتب في حضني ههههههههههههه كان الكرسي مكسور ومحد قاعده عليه ولا الي يفشل اكثر كنت قريبه من الشباب من الفشله ما وقفت ضحك على نفسي
والي فشلني اكثر في شاب ما وقف من الضحك طول المحاضرة ما قدر يمسك روحه :( :( :( اي يحق له سحلية طايحة من كرسي يا حبهم للشماته
واشوة ما كان الدكتور موجود كنت تفشلت اكثر هههههههه


مشكور اخوي على السؤالين واحد عور قلبي والثاني فشلني هههههههههه

تحياتي لك ،،،

نسمات

[da Vinci]

مشكور ياولد الغالي على مشاركتك الحلوة

مشكورة اختي نسمات ومرة تانية افحصي الكرسي زين مازين قبل لا تقعدين عليه...