للأذكياء فقط [ لغز ]

[دافـــي الشعــور]

اللغز: رجل غاضب على ابنته التي بالسجن وكتب في وصيته قبل موته:
( من شدة غضبي على ابنتي وهبت كل اموالي للحكومه )
وبعد خروج البنت زادت حرف واحد فقط في الوصيه وتحولت الاموال ملكا لها

فما هو هذا الحرف؟

.....

لاحد يروح يعملي سيرش بالقوقل!!! ترى سويناها قبل, والحركه قديمه خخخ

ابي اجتهادكم وتحدي نفسكم

يالله نشوف


سلملم

[قطار الليل]

ما اعرف عرفته خلني اجيب ورقة و قلم بس اصبر على ساااعتين

[دافـــي الشعــور]

ما يبيلها ورقه وقلم الله يجزاك خير قطووور

بس يالله..

نشوفك بعد ساعتين.. اتمنى تحل اللغز

[دلـع الكـون]

اتوقع الحل هو حرف (م)

وتصير الوصيه

( من شدة غضبي على ابنتي وهبت كل اموالي للمحكومه )

صح او لا؟؟

[دافـــي الشعــور]

ما شااااااااااء الله عليك خيتي دلع..

الاجابه صحيحه ميه في الميه

الله يزيدك من ذكاء وفطنه

سبقتي قطار الليل في الاجابه.. تأخرت يا قطووور..

على الرغم ان ما ادري هل اجابتك بتكون صحيحه او لا

بس عموما لسه فيه فرصه لك ولباقي الاعضاء.. لان اللغز له تكمله, أو لغز شبيه به

[دلـع الكـون]

اوووووووووه زين زين

طول عمري ذكيه خخخخخخخخ

طيب وين الغز الثاني

[دافـــي الشعــور]

هذا هو

اللغز: رجل غاضب على ابنته التي بالسجن وكتب في وصيته قبل موته:
( من شدة غضبي على ابنتي وهبت كل اموالي للجمعيات )
وبعد خروج البنت زادت حرف واحد فقط في الوصيه وتحولت الاموال ملكا لها

ويالله يا شطار

[دلـع الكـون]

الجزء الثاني صعب :mad:

تعبت واني افكر والله :confused:

وهذا اللي طلع معاي ومو متأكده من الاجابه :nosweat:

الحرف هو ( أ )

والوصيه تصير

( من شدة غضبي على ابنتي وهبت كل اموالي للجامعيات)

خخخخخخ

[دافـــي الشعــور]

ما حزرتي هالمره
لكن محاوله طيبه خيتي دلع الكون..

نشوف باقي الاعضاء

[دلـع الكـون]

خخخخخخخخ

اوكي

[قطار الليل]

افااااااااااااااااا انااا نسيت المووضوع لاني رحت اجيب الاهل و نسيته بس السؤال الثاني مر علي من زماان و اعرف الجوااب بس ما بجاوب علشان ما اخرب على الباااقين

[دافـــي الشعــور]

ماهي مشكله اخوي قطار الليل..

اللي يريحك

يالله يا شطار!! وييييييييييييين الاذكيا؟

انا اشوف كذا عضو دخل وما افادنا بشي؟!

برضو ننتظر

[دلـع الكـون]

باك

هذي محاوله ثانيه مني وبرضو مو متأكده من الاجابه

الحرف >>ن


( من شدة غضبي على ابنتي نوهبت كل اموالي للجمعيات)

او



( من شدة غضبي على ابنتي ونهبت كل اموالي للجمعيات)

[دافـــي الشعــور]

للأسف خيتي دلع ما حزرتي :")

[قطار الليل]

يعني اجاااوب انااا

[دلوعتهم]

هههههههه
اول مره مو قادره احله
بس معليش غششني عاد

[قطار الليل]

هههههههه
اول مره مو قادره احله
بس معليش غششني عاد



كااااااااان بودي لكن دااااااافي مو راااضي

:D

[da Vinci]

اتوقع الحل هو اضافة حرف اللام

من شدة غضبي على ابنتي لوهبت كل اموالي للجمعيات

انشالله يكون الجواب صحيح؟؟؟؟؟؟؟

[دلـع الكـون]

شكله صح حلك جريحوو

[دافـــي الشعــور]

دلوعتهم

هههههههه
اول مره مو قادره احله
بس معليش غششني عاد


ههه هه هههه ما صار لغز اجل.. بس برضو حاولي وفكري فيه :")

قطار الليل
كااااااااان بودي لكن دااااااافي مو راااضي

متى ما رضيت قطوور ؟!
انا قلت شي راجع لك :)

الصوت الجرح
ماحزرت يا غالي.. حاول مره اخرى D":

دلع الكون
لا مو بشكله صح دلع.. وانتي حاولي برضو :")

[دلـع الكـون]

طيب هذي محاوله ثانيه مني

الحرف (أ)

( من شدة غضبي على ابنتي وهبت كل اموالي لالجمعيات)

[دافـــي الشعــور]

برضوووووو ما حزرتي يدلع!

انا عزمت انزل الاجابه خلاص

الاجابه:
(من شدة غضبي على ابنتي ما وهبت كل اموالي للجمعيات)

(أحرف النفي): لم، ولمّا، ولن، وما، ولا، ولات،
إذن (ما) حرف نفي
وفي السؤال قلنا حرف واحد ؟ أي حرف نفي واحد
و(ما) تكون نافية نحو {ما هَذا بَشَراً}.
و (ما) تدخل على الفعل فتنفي وقوع الفعل ( ما وهبت ) لم أوهب


ويعطيكم العافيه :")

[دلـع الكـون]

اهاااااااااااا :dry:
لعبت علينا دافيوو :frown:

[da Vinci]

دفوووي الحل هذا غلط ولو هو صح كان المقولة الأولى بتكون صحيحة لما انقول

( من شدة غضبي على ابنتي ما وهبت اموالي للحكومة )

دافيوووووووو ماتهون بلا حركات علينا ...

العب غيرها ياحلو.

[دافـــي الشعــور]

وووخخخخخ

ولا لعبت عليكم ولا شي..

اخوي الصوت اللغز مقسم إلى قسمين.. الجمله الاولى لها حل معين والثانيه لها حل معين :")

عموما يعطيك العافيه

[da Vinci]

وما ماهي حرف بروحها بعد من اي قاموس جايبها

[دافـــي الشعــور]

وووخخخ

وش بلاك يالصوت.. شكلك ما درست نحو!

ارجع للمشاركه رقم 22 واقرى ثاني مره..

ما تعتبر حرف من احرف النفي

والاجابه صحيحه ميه في الميه.. واذا ما اقتنعت كيفك D":

[da Vinci]

اكيد مو مقتنع ههههههه