ممكن مساعدة .. بليييز

[جروح أنثى]

مساء الخير للجميع

أبي منكم مساعده بلييييز

عندي مشكلة بالمسن حقي كل ماجيت أبي أفتح يقول لي هناك أخطاء

وأعمل له أصلاح وارجع أحاول أفتحه مايفتح معاي

ولا أعرف شنو المشكلة بالضبط

أهو كان السابع حملت الثامن على أمل أنه يفتح بس نفس المشكلة


ورقم الخطأ 80048820

ورقم الخطأ الموسع 80048412


وياريت أحد يساعدني

[أسير555]

هلا بك خيوة
انا عندي نس المشكلة بس لقيت لها حل بايخ بس زبط معاي يعني
واذا تحبين تجربيها
قبل ماتفتحين المسنجر افتحي صفحة انترنت اول وبعدين تفتحين المسنجر
والله من زمان اسويها وكله تمام
اخوك أسير555

[جروح أنثى]

يسلموو أخوي أسير

جربت الطريقة بس هم مافي فايده

في شغلة ثانية فيها سالفة

بس شنو مدري

ياريت احد يساعدني

على العموم مشكور اخوي

ويعطيك العافية

[ضوء القمــــر]

السلام عليكم
حتى أنا مايفتح عندي حذفت اللي عندي ونزلت واحد ثاني ونفس السالفة يولي فيه أخطاء ولاأدري
على العموم مشكورين

[مــ الحزن ــلاك]

هلا حبيبتي جروح آنا صادني من قبل جذي واكتشفت إنه اكو فيروس في المسنجر نفسه

فسويت فورمات للجهاز كله ولمن نزلت لي المسنجر صار اوكي عندي

فما ادري إنتي جربي وشوفي شنو يطلع معاج


تحياتي لج


ملوووكة

[جروح أنثى]

يسلمووو ضوء القمر

بس معقولة يكون الخلل من شركة المسنجر نفسها

والا شلوون ؟؟

[جروح أنثى]

ملاك الحزن

تصدقين يمكن مثل ماقلتي في فايروس

شاكة بهالموضوع أنا يبيلي أشيك على الجهاز

وألقى له صرفه

يسلنموو قلبوو على المساعدة

[مــ الحزن ــلاك]

العفو حبيبتي

وخبريني شنو يصير معاج:061:

[كاتمـ الأحزان ــة]

السلام عليكم ..

هذي المشكلة تصير لناس وايد ..ومنها أسباب وايد ..ويمكن انج بالغلط سويتي حظر للمسنجر ..<<مثل ما انا سويت جذي ..وهذي المشكلة ما تنحل إلا بالفورمات ..

اما الحل الثاني اذا ما كنتي مسوية حظر للمسنجر ..


أختي انتي يمكن عندج مشكلة في الفايروول او أحد برامج الحماية
اول شي اختي تأكدي من التاريخ والساعة مضبوطين عندج
وبعدين
اختري start و بعدين /run
واكتبي
regsvr32 softpub.dll

أختي ثاني شي روحي على صورة الكمبيوترين الي تحت صوب الساعة
و طقي عليه رايت كلك

http://img222.imageshack.us/img222/162/1zp4.jpg


و تأكدي من وجود علامة الصح

http://img307.imageshack.us/img307/4339/2nh7.jpg

أختي بعد تأكدي من هالإعدادات

طقي رايت كلك على علامت ال e مالت الانترنيت و ختاري بروبرتيز
و بعدين تأكدي من

http://img179.imageshack.us/img179/1270/1gk6.jpg



وإن شاء الله يشتغل معاج ..انا هالطريقة واحد من العايلة الخبيرين ضبطها معاي ..ومادري اذا بتضبط معاج والا لا ..!!

تحياتي

[جروح أنثى]

يسلموووووو كاتمة الأحزان

مشكورة حبيبتي

سويت الطريقة وضبطت معاي

انشالله اخدمك بالأفراح ياقلبي

والله عن جد مستانسة

يعطيك الف عافية

[كاتمـ الأحزان ــة]

آلحمد للهـ ..
وبآلتوفيق آختي :) ..

تحيآآتي ..ِ.

ِ